لیہ (صبح پا کستان )سی آئی اے سٹاف لیہ جرائم پیشہ عناصر کے خلاف متحرک ،منشیات فروش سجاد حسین اور03جواری موقع سے گرفتار ، 1410گرام افیون ،ٹی وی ،ریسیور ،داءو پر لگی رقم برآمد ۔
تفصیلات کے مطابق سی آئی اے لیہ جرم کوروکنے کےلئے جرائم پیشہ عناصر کے خلاف متحرک ہے اس مقصد کے لئے کاروائیاں عمل میں لائی جا رہی ہیں ،سب انسپکٹر خرم ریاض اور احمد خان اے ایس آئی نے اپنی ٹیم کے ہمراہ دو مختلف کاروائیوں کے دوران ریڈ کر کے منشیات فروش سجاد حسین اور 03جواری جوئے کھیلتے ہوئے موقع سے گرفتار کرلیے ،جن کے قبضہ سے 1کلو 410گرام افیون برآمد ہوئی اس کے علاوہ جوئے کے اڈے سے ٹی وی ،ریسیور اور داءو پر لگی ہزاروں روپے کی نقدی بر آمد کر لی ،ملزمان کو گرفتار کرکے پابند سلاسل کیا او ر مقدما ت کا اندراج کر لیا گیا ،سب انسپکٹر سی آئی اے خرم ریاض نے اس موقع پر گفتگو کرتے ہوئے کہا کہ جرائم پیشہ عناصر کو کیفر کردار تک پہنچا کر جرم کی روک تھام کر رہے ہیں ،مسلسل کاروائیوں کے نتیجہ میں جرائم کی شرح میں واضح کمی ہوئی ہے ۔
