راجن پور ۔ تمباکو نوشی کے عالمی دن کے موقع پر آگاہی سیمینار

راجن پور(صبح پا کستان )تمباکو نوشی پھیپھڑے اور دل کی بیماریوں کا باعث اور خطرناک کینسر کا موجب ہے ۔ یہ باتیں ڈسٹرکٹ ہیلتھ آفیسر راجن پور ڈاکٹر ہاشم علی نے تحصیل ہیڈ کوارٹر اسپتال جام پور میں تمباکو نوشی کے عالمی دن کے موقع پر منعقدہ آگاہی سیمینار سے خطاب کرتے ہوئے کہیں ۔ اس موقع پر میڈیکل سپرنٹنڈنٹ تحصیل ہیڈ کوارٹر اسپتال جام پور کے علاوہ دیگر ڈاکٹرز ،پیرا میڈیکل اسٹاف اور لوگوں کی کثیر تعداد نے شرکت کی ۔ سیمینار سے خطاب کرتے ہوئے مقررین نے کہا کہ سیگریٹ نوشی ترک کر کے روزانہ صبح سویرے واک اور ہلکی پھلکی ورزش کو معمول بنا لیں ۔ انہوں نے کہا کہ ہر قسم کی تمباکو نوشی ،پان ،گٹکا اور شیشہ کا استعمال بھی ترک کر دیں ۔ تمباکو نوشی سے آگاہی کے حوالے سے ڈسٹرکٹ ہیڈ کوارٹر اسپتال راجن پور میں واک بھی کی گئی ۔