لیہ ۔ مہنگائی کا جن ناقص معاشی پالیسیوں کے باعث بے قابو ہو چکاہے ۔ امیر جماعت اسلامی چوہد ری منور حسین

لیہ(صبح پا کستان )افراط زر کی بلند شرح اور ڈالر کی اڑان نے حکومتی بلند بانگ دعووں کی قلعی کھول دی ۔ مہنگائی کا جن ناقص معاشی پالیسیوں کے باعث بے قابو ہو چکاہے ۔ ۔ قرآن و سنت کا نظام زر اور اسکی ابدی ہدایات پر عمل اس قحط الرجال کی صورت حال سے باہر نکلنے میں مدددے سکتا ہے ۔ ۔ امیر جماعت اسلامی لیہ چوہد ری منور حسین نے میاں تنویر کی رہائش گاہ پر افطار ڈنر میں شریک ارکان لیہ سے خطاب کرتے ہوئے کہا دعوت الی اللہ کا دستور جو جماعت اسلامی کا بنیادی پیغام ہے ہر رکن اسے معاشرے کے ہر فرد تک پہنچائے ۔ ناظم اسلامی جمیعت طلبہ جنوبی پنجاب برادر عبدالرحمان نے شرکاء سے خطاب کرتے ہوئے کہا کہ جمیعت جنوبی پنجاب اپنے مرکز زیر تعمیر ملتان کے لئے فنڈنگ مہم کے لئے ساتھی تنظیمات سے مل کر اس پروجیکٹ کو پایہ تکمیل تک پہنچائے گی اور لیہ جماعت کا تعاون ہمارے لئے مثالی ثابت ہو گا ۔