لیہ(صبح پا کستان)کلمہ چوک بائی پاس سے کوٹھی قریشی تک لیہ کوٹ ادو روڈ ٹوٹ پھوٹ کا شکار، جگہ جگہ گڑھے پڑنے سے مسافر گاڑیوں ، شہریوں کو مشکلات، ریسکیو 1122سمیت ایمبولینسز کو مریضوں کو ہسپتال لانے میں مشکلات کا سامنا، حادثات میں اب تک تین افراد جاں بحق ہو گئے ۔ لیہ کے بائی پاس کلمہ چوک سے کوٹھی قریشی تک لیہ سے کوٹ ادو جانے والی جی ٹو روڈ جگہ جگہ سے ٹوٹ پھوٹ کا شکار ہونے سے گڑھے بن چکے ہیں جس سے منٹوں کا سفر گھنٹو ں میں طے ہو نے لگا جبکہ حادثات میں بھی اضافہ ہو رہا ہے ، چند دن قبل مسافربس کی رکشہ کوٹکر سے 3افراد جاں بحق ہو ئے اس کے باوجود ضلعی انتظامیہ نے سڑک کو مرمت نہ کی جس کے باعث شہریوں کو مشکلات کا سامنا ہے، سڑک ٹوٹ پھوٹ کا شکار ہونے سے مسافر گاڑیوں سمیت ریسکیو 1122و دیگر ایمبولینسز کو مریضوں ہسپتال لانے، لیجانے میں مشکلات کا سامنا ہے، شہریوں نے احتجاج کرتے ہوئے مطالبہ کیا کہ ضلعی انتظامیہ کسی بڑے حادثہ کا انتظار کئے بغیر سڑک کی فوری مرمت کرے ورنہ احتجاج کیا جائے گا ۔
