لیہ(صبح پا کستان )لیہ پولیس کے ترقیاں 06افسران سب انسپکٹر بنادیئے گئے ،ڈی پی او لیہ نے ایس پی گلفام ناصر کے ہمراہ افسران کو ترقی کے بیج لگائے ،ترقی پولیس افسران کی محنت اور ایمانداری کا ثمر ہے ۔ رانا طاہر رحمن خان ،تفصیلات کے مطابق لیہ پولیس کے 06افسران سب انسپکٹرکے عہدہ پر ترقی یاب ہونے پر ڈی پی او لیہ رانا طاہر رحمن خان اور ایس پی انویسٹی گیشن گلفام ناصر نے انہیں سب انسپکٹر عہدے کے بیج لگائے ،ڈی پی او لیہ نے ترقی پانے والے افسران کو مبارک باد دی اور گفتگو کرتے ہوئے کہا کہ محکمہ پولیس کی ملازمت بہت مشکل ہے جس میں بعض اوقات اعصاب شکن حالات کا سامنا کرنا پڑتا ہے ،ایسے میں ترقی پانے کےلئے سخت محنت کی ضرورت ہوتی ہے، میرٹ اور شفافیت کی بنیاد پر ترقی پانا ان کی قابلیت کا ثبوت ہے ،رانا طاہر رحمن خان نے مزید کہا کہ مجھے آپ سے توقع ہے کہ آئندہ بھی آپ لوگ خدمت کے جذبہ سے سر شار ہو کر اپنے فراءص منصبی نہایت ایمانداری سے سر انجا م دیں گے ،ایس پی انویسٹی گیشن گلفان ناصر نے کہا کہ فیلڈ میں شہریوں کو سو فیصد میرٹ کی بنیاد پر انصاف فراہم کرنا ہے اور اس ضمن میں کسی قسم کا دباءو خاطر میں نہیں لانا ،ترقی پانے والوں میں محمد نذیر ،محمد اختر ،شفاء اللہ ،عنایت اللہ جبکہ دو لیڈیز زنیرہ کنول اور سعیدہ بی بی شامل ہیں جنہوں نے اے ایس آئی سے سب انسپکٹر کے عہدے پر ترقی پائی ہے ۔
