اسلام آباد . سابق صدر آصف زرداری کی مولانا فضل الرحمان کی رہائشگاہ پر آمد، عمرے کی ادائیگی پر مبارکباد دی ۔
جیونیوز کے مطابق سابق صدر آصف زرداری جے یو آئی کے سربراہ مولانا فضل الرحمان سے ملاقات کرنے ان کی رہائشگاہ پر پہنچ گئے ، مولانا فضل الرحمان نے آصف زرداری کا استقبال کیا ۔ ملاقات میں ملک کی سیاسی صورتحال پر تبادلہ خیال کیا ، اس موقع پر آصف زرداری نے مولانافضل الرحمان کوعمرے کی ادائیگی پر مبارکباد دی ۔ آئی ایم ایف اوردیگر ملکی معاملات پربات ہوئی ، دونوں رہنماﺅں نے دیگر سیاسی جماعتوں سے رابطے جاری رکھنے پر اتفاق کیا اور کہا کہ عوام مہنگائی کے ہاتھوں تنگ آگئے ہیں، ملاقات میں عید کے بعد اسلام آباد کی طرف مارچ پربھی غور کیا گیاجبکہ یہ فیصلہ کیا گیا کہ موثر ایجنڈا لیکر عوام کے پاس جایا جائے گا ۔
