لیہ ۔ رمضان المبارک کا تقدس ،لکی ایرانی سرکس و موت کے کنویں کے بڑے سپیکرز پر اونچی آواز میں گانے بجنے لگے

لیہ(صبح پا کستان )مقامی انتظامیہ کی آشیر باد،رمضان المبارک کا تقدس پامال،لکی ایرانی سرکس و موت کے کنویں میں ناچ گانے کی محفل وبڑے سپیکرز پر اونچی آواز میں گانے بجنے لگے،رمضان المبارک کا احترام نہ کیا گیا تو لاءحہ عمل کا اعلان کریں گے ان خیالات کا اظہار ضلعی امیر جمعیت علماء اسلام قاری محمد رمضان نے نمائندہ سے گفتگو کرتے ہوئے کیا،انہوں نے کہا کہ رمضان المبارک کے تین عشروں بارے ہمارے نبی محترم حضرت محمد ﷺ نے علیحدہ علیحدہ فضلیت بیان کی ہے رمضان المبارک کا مہینہ خاص طور پر تلاوت کلام پاک ،ذکر اذکار،توبہ استغفار جنت کی طلبی اور دوزخ سے پناہ مانگنے کیلئے عنایت کیا گیا جبکہ ہماری ضلعی انتظامیہ نے لیہ میں شیطانی کھیل کھیلنے کی کھلی اجازت دیکر احترام رمضان کے تقدس کا پامال کیا انہوں نے ڈپٹی کمشنر لیہ بابر بشیر،ڈی پی او لیہ رانا طاہر رحمان خان سے مطالبہ کیا ہے کہ فوری طور پر لکی ایرانی سرکس کی شکل میں چلنے والے شیطانی کھیل کو فوری بند کروایا جائے اگر ایسا نہ کیا گیا تو ہم آئندہ کے لاءحہ عمل کا جلد اعلان کریں گے ۔