حکومت کی پہلی وکٹ اڑگئی،مزید وکٹیں بھی جلد گریں گی،ترجمان بلاول

اسلام آباد . بلاول بھٹو کے ترجمان مصطفی نواز کھوکھر نے کہا ہے کہ پیپلزپارٹی کے مطالبے پرحکومت کی پہلی وکٹ اڑگئی، حکومت کی مزیدوکٹیں بھی جلدگرجائیں گی۔ وزیر خزانہ اسد عمر کے وزارت چھوڑنے کے اعلان پر چیئرمین پیپلزپارٹی بلاول بھٹو زرداری نے کہا ہے کہ 9 مہینے بعد آخرکار حکومت مان گئی ان کی معاشی پالیسیوں غلط ہیں ،انہوں نے کہا کہ جن وزرا کے کالعدم تنظیموں سے رابطے ہیں وہ فارغ ہو جائیں گے ،باقی دو وزرابھی جلد فارغ ہو جائیں گے۔ جبکہ بلاول بھٹو کے ترجمان مصطفی نواز کھوکھر نے ردعمل دیتے ہوئے کہا کہ پیپلزپارٹی کے مطالبے پرحکومت کی پہلی وکٹ اڑگئی،حکومت کی مزیدوکٹیں بھی جلدگرجائیں گی،انہوں نے کہا کہ حکومتی ٹیم 50 اوورزسے بہت پہلے پویلین لوٹ جائےگی۔مصطفی نواز کھوکھر نے عمران خان ملک تو کیا اپنی ٹیم اور حکومت ہی نہیں سنبھال پا رہے، سلیکٹ وزیراعظم سے نہ معیشت چل رہی ہے اور نہ خارجی امور چلا پا رہے ہیں، عمران خان نے ملک کو بدترین بحرانوں میں دھکیل دیا ہے، معاشی بحران کے بعد ملک میں گورننس کا بدترین بحران پیدا ہو گیا۔