اقتصادی کونسل کے ممبر ڈاکٹر اشفاق حسین نے آئی ایم ایف کےپروگرام سےعوام کودرپیش مشکلات کی نشاندہی کردی

اسلام آباد . اقتصادی کونسل کے ممبر ڈاکٹر اشفاق حسین نے کہاہے کہ آئی ایم ایف کا پروگرام لینے سے عوام کو مشکلات کا سامناکرنا ہوگا ،حکومت نے جون میں تیل کی قیمتوں میں کمی سے اربوں روپے کی بچت کی ہے۔ دنیا نیوز کے پروگرام ”دنیا کامران خان کے ساتھ“ میں گفتگو کرتے ہوئے ڈاکٹر اشفاق حسین خان نے کہا کہ ہم آئی ایم ایف سے پچھلے دس سال سے قرض لے رہے ہیں ، دو پروگرام لے چکے ہیں، اس سے کیا فائدہ پہنچا ؟ اگر معیشت میں کوئی بہتری آنی ہوتی تواب تک آچکی ہوتی ۔ انہوں نے کہا کہ آئی ایم ایف کا پروگرام لینے سے عوام کو مشکلات کا سامناکرنا ہوگا ،حکومت نے جون میں تیل کی قیمتوں میں کمی سے اربوں روپے کی بچت کی ہے ۔