غلام رسول اصغر کے علاج و معالجہ بارے عبد الروؤف نفیسی کا توجہ دلا ؤ نوٹس .. انجم صحرائی

گذ شتہ روز چوک اعظم پریس کلب کی تقریب حلف برداری میں شرکت کے بعد ہمارے پاس مصرو فیات کے دو آپشن تھے ایک توسپورٹس میلہ کے وی وی آپی ماحول کو انجوائے کر نے اور سیا سی اور انتظامی بڑے لو گوں کے ساتھ مزید تصویریں اور سلفیاں بنوانے کا اور دوسرا چوک اعظم کے سا بق صدر غلام رسول اصغر کی عیادت کا جو گذشتہ تین سال سے بستر علالت پر ہیں اور ہم دوستوں نے اپنے ساتھی غلام رسول اصغر کی زیارت و عیادت کو شاہ کا مصاحب بننے سے زیادہ اعزاز جانا اور ہم تینوں دوست ملاقات کے لئے ان کے گھر پہنچ گئے ۔ ملک مقبول الہی اور محسن عدیل بھی میرے ساتھ تھے ۔
گذشتہ تین سا لوں سے بستر علالت پر پڑے غلام رسول اصغر بڑی ہمت و استقامت کے ساتھ حالات کے جبر کا مقابلہ کر رہے ہیں ۔ دوران گفتگو غلام رسول اصغر نے بتایا کہ تین سال پہلے جب ان پر قاتلا نہ حملہ ہوا تب مقا می پر یس کلب کی درخواست پر اس وقت کے ڈپٹی کمشنر واجد علی شاہ نے ان کے علاج معالجہ کی امداد کے لئے حکو مت پنجاب کو ایک خط تحریر کیا ۔ غلام رسول اصغر نے بتایا کہ ڈی سی آفس سے لکھے گئے اس خط کے بعد ایک دن انہیں حلقہ پٹواری کا فون آیا کہ وہ مجھ سے ملنا چا ہتا ہے اس نے مجھے بتایا کہ حکو مت پنجاب کی طرف سے آپ کے علاج معالجہ کے لئے لکھے گئے لیٹر کے حوالہ سے کچھ تفصیلات کی تصدیق کرنا ہے ۔پٹواری صاحب سے میری ملاقات ہوئی میں نے ان کے سوالات کے جوابات دیئے ۔ اس کے بعد کیا ہوا میں بے خبر تھا ۔ لیکن ابھی گذشتہ دنوں تحریک انصاف کے ایک ذمہ دار عہدیدار اور بڑی سیاسی شخصیت میری عیادت کے لئے میرے گھر آئے تو انہوں نے بتایا کہ میرے علاج معالجہ کے لئے حکو مت پنجاب کی طرف سے پا نچ لاکھ روپے امداد ی چیک جاری ہوا تھا لیکن بو جوہ وہ واپس کر دیا گیا ۔ اب اس میں کتنی سچا ئی ہے واللہ اعلم با لصواب ۔۔چوک اعظم پریس کلب کی تقریب حلف برداری میں نو منتخب صدر عبد الرووف نفیسی نے اپنے سپاسنامہ میں ضلع کی انتظامی افسران اور پار لیمانی قیادت کے سا منے شہر کے دیگر مسا ئل کے سا تھ سا تھ غلام رسول اصغر کے علاج معالجہ کے حوالے سے بھی توجہ دلاؤ نوٹس پیش کیا ۔ اور انہیں تفصیل کے ساتھ اس کیس بارے بریف کیا ان کا کہنا بھی یہی تھا کہ غلام رسول اصغر کے علاج معالجہ بارے حکومت پنجاب کی طرف سے پانچ لا کھ روپے کی امداد کا اعلان کیا گیا تھا جو تین سال گذرنے کے بعد بھی نہیں ملی ۔پریس کلب کی اس تقریب میں صوبائی وزیر جیل پنجاب چو ہدری زاہد وڑائچ ، ملک نیاز احمد جکھڑ ایم این اے ، ایم پی اے ، پا رلیمانی سیکریٹری سر دار شہاب الدین خان سیہڑ اور بشارت رند ھاوا ضلعی صدر تحریک انصاف بھی مو جود تھے ۔
لالہ طا ہر رند ھاوا ایم پی اے کی کا وشوں سے چو ک اعظم میں سہہ روزہ فسٹ سپورٹس فیسٹول کا انعقاد بلا شبہ ایک خوبصورت اور قابل قدر پیش رفت ہے ایسی مثبت سر گر میوں سے کسی کو بھی اختلاف نہیں ہو سکتا لیکن غلام رسول اصغر جیسے لوگ بھی تو اسی شہر کا ورثہ ہیں ۔ ان کی سسکتی زند گی کا قرض بھی تو اسی شہر کے با سیوں کے سر ہے ۔۔۔ پو چھنا بس یہ ہے کہ کیا غلام رسول اصغر کے علاج معالجہ بارے عبد الرووف نفیسی کا یہ تو جہ دلا ؤ نوٹس بھی کسی کو کیا یاد رہے گا ۔۔۔