لیہ ۔کیمونٹی کے تعاون سے صحت مندتوانا معاشرے کے قیام کے لیے بھرپور اقدامات کیے جارہے ہیں۔ ڈپٹی کمشنر بابربشیر

لیہ(صبح پا کستان )کیمونٹی کے تعاون سے صحت مندتوانا معاشرے کے قیام کے لیے بھرپور اقدامات کیے جارہے ہیں ۔ فراہمی و نکاسی آب ،صاف پانی کی فراہمی ،ماحولیاتی آلودگی کے تدارک کے لیے حکومتی پروگرامز پر عمل درآمد یقینی بناتے ہوئے مطلوبہ نتائج کے حصول کو ممکن بنائیں ۔یہ بات ڈپٹی کمشنر بابربشیر نے یونین کونسل172ٹی ڈی اے میں ویلج واش کمیٹی کی تقریب سے خطاب کرتے ہوئے کہی۔تقریب میں ڈائریکٹر کیمونٹی ڈویلپمنٹ یونٹ طارق محمود،سی ای او تعلیم ثناء اللہ سہرانی،چیئرمین یوسی اعجاز کھرل،کیمونٹی ڈویلپمنٹ آفیسرحسن غفور،ایکسین شعیب فیاض،پروگرام مینجر حسنین کاظمی،ڈسٹرکٹ کوآرڈینیٹرپلاننگ ملک اورنگزیب کے علاوہ کونسلرزاور واش کمیٹی ممبران نے شرکت کی۔ ڈائریکٹر کیمونٹی ڈویلپمنٹ طارق محمودنے خطاب کرتے ہوئے ویلج واش کمیٹیوں کی تشکیل ،اغراض ومقاصد،دیہی علاقوں میں صفائی کے لیے آگہی مہم فراہمی نکاسی آب کے منصوبوں ،کھلے میں پاخانہ سے محفوظ گاؤں بنانے کے لیے آگہی و پبلک پرائیوٹ پارٹنرشپ کے تحت ٹوائلٹ بلاکس کی تعمیر،فروغ شجرکاری،سکولوں میں واش کلبز کے قیام ایسے امور کے بارے میں آگاہ کیا۔انہوں نے مزید کہا کہ بھرپور وسائل سے مالامال پنجاب کو صاف ستھرا رکھنا ان پروگرامز کی اولین حکمت عملی ہے جس کے لیے سول سائٹی اور بلدیاتی اداروں کا تعاون خوش آئند ہے۔حسن غفور نے واش کلبز اور ویلج کمیٹیوں کی کارکردگی کے بار ے میں آگاہ کرتے ہوے بتایا کہ یوسی 172کے 13گاؤ ں میں سے 7گاؤں کھلے میں پاخانہ سے پاک بنادیے گئے ہیں جن کے تمام مکینوں کو ٹوائلٹس کی سہولیات میسر کردی گئی ہے ۔ملک اوورنگزیب نے سکولوں میں قائم واش کلبز کے ذریعے موثر آگہی کے بار ے میں بتایا ۔ڈپٹی کمشنر نے پبلک ہیلتھ انجینئرنگ کے تحت صحت مندمعاشرے کے قیام اوردیہی عوام کے معیارزندگی کو بہتر بنانے کے لیے جاری منصوبوں کو مستحسن قرار دیتے ہوے انکی اہمیت و افادیت کے مطابق جاری رکھنے کی ضرورت پر زور دیا۔بعدازاں سرسبزشاداب پاکستان مہم کے تحت یونین کونسل کے احاطے اور ہائی سکول 172ٹی ڈی اے میں پودئے گئے ۔اسی طرح ڈپٹی کمشنر نے بوائز ہائی سکول 172ٹی ڈی اے میں واش کلب کامعائنہ اور بچوں سے آگہی مہم کے سلسلہ میں مختلف سوالات کیے۔اس موقع پرسی ای او تعلیم ثناء اللہ سہرانی نے بتایا کہ ضلع بھر کے ہائی سکول میں ہینڈ ڈارئر،لیکوڈ سوپ فراہم کرنے کے علاوہ واش بیسن لگائے جاچکے ہیں اور اوڈی ایف فری آگہی مہم ،صاف پانی کی فراہمی کے لیے بھی اساتذہ اور طلبا ء آگہی میں حصہ لے رہے ہیں ۔پروگرام مینجرواش حسنین کاظمی نے سکولوں کے واش کلبز کے ذریعے بیماریوں سے بچاؤ کی آگہی مہم کے سلسلہ میں بریفنگ دی۔چیئرمین یوسی اعجاز کھرل نے ہفتہ صفائی منانے کا اعلان کیا۔