لیہ ۔دن دیہاڑے ڈکیتی. ڈکیت نجی کمپنی کے کیشئر کو گولی مار کر 30 لاکھ لوٹ کر فرار

لیہ( صبح پا کستان)دن دیہاڑے لیہ شہر میں ڈکیتی کی160 واردات. ڈکیت نجی کمپنی کے کیشئر کو گولی مار کر 30 لاکھ لوٹ کر فرار ہوگئے.نجی میڈیسن کمپنی کا کیشئر نجی بینک میں کیش جمع کرانے کے لئے بینک کے باہر پہنچا تو موٹر سائیکل سوار نامعلوم ڈکیتوں نے کیشئر کو گولی مار کر تیس لاکھ نقدی کھینچ کر فرار ہو گئے. زخمی کیشئر کو ریسکیو 1122نے ڈسٹرکٹ ہیڈ کوارٹر ہسپتال منتقل کردیا. نجی بینک کے سامنے ہونے والی ڈکیتی کی سی سی ٹی وی فوٹیج میڈیا کو موصول جس میں ڈکیتوں کو موٹر سائیکل پر آئے. گولی مارتے اور ڈالے میں گھس کر پیسے لے کر فرار ہوتے دیکھا جاسکتا ہے.لیہ شہر میں قائم نجی بینک کے سامنے نجی میڈیسن کمپنی کے کیشئر سے ڈکیتی کی واردات کی فوٹیج میڈیا کو موصول ہو گئی .سی سی ٹی وی فوٹیج میں دیکھا جاسکتا ہے کہ بینک کے سامنے نجی میڈیسن کمپنی کا ڈالہ آکر رکتا ہے جس میں کیشئر نے اتر کر ڈالہ کا گیٹ کھولا تو موٹر سائیکل سوار اتر کر کیشئر کو گولی مارکر ڈالے سے پیسے لیکر فرار ہو گئے.شہریوں نے پولیس کی ناقص کارکردگی پر سوالیہ نشان اٹھاتے ہوئے دن دیہاڑے ڈکیتی کی واردات پر آر پی او ڈی جی خان سے نوٹس لینے کا مطالبہ کیا ہے.