لیہ ۔ سو دنوں میں عوام کو ریلیف کی بجائے دفعہ 144کا سامنا کرنا پڑ رہا ہے.سینٹرسراج الحق

لیہ(صبح پا کستان)امیر جماعت اسلامی پاکستان سینٹر سراج الحق نے مرکز جماعت اسلامی لیہ میں اجتماع کارکنان و پریس کانفرنس سے خطاب کرتے ہوئے کہا کہ ہماری کامیابی اللہ اور اسکے نبی محترم حضرت محمد ﷺکی طرف سے دی جانے والی تعلیمات کو اپنے اوپر لاگو کرنے میں ہے اللہ کے پیارے رسول نے تمام شعبہزندگی کو لوگوں کی بھلائی کیلئے گذارنے کیلئے تربیت دی ہے ،اسلامی نظام میں روٹی ،کپڑا،مکان اللہ کی مخلوق کو دینے کا نظام ہے جس کو اس ملک میں لاگو کرنے کیلئے جماعت اسلامی جدوجہد کررہی ہے،موجودہ حکومت کے 100دن پورے ہونے پر بات کرتے ہوئے انہوں نے کہا کہ ان سو دنوں میں عوام کو ریلیف کی بجائے دفعہ 144کا سامنا کرنا پڑ رہا ہے ان سو دنوں میں وزیر پاکستان کے 9منٹ کے خطاب میں عوام کو دھمکیوں،ریاستی اداروں سے عوام کی پریشانی میں اضافہ،الجھاؤ،مہنگائی،بے برکتی،دست وگریباں،کشکول اٹھا کر سودی نظام کیلئے دنیا بھر میں پھرنے کے دن ہیں ان دنوں میں سکول کے بچے کی کتابوں ،پینسل کی قیمت میں اضافہ،پٹرول کی قیمت،آٹا،گیس،بجلی کی قیمتوں کی وجہ سے عوام کی زندگی کو مشکل بنا دیا ہے ،کرتار پور راہداری کھولنے اور جموں کشمیر میں انڈین ظلم بارے کئے گئے سوال پر انہوں نے جواب دیتے ہوئے کہا کہ کشمیر میں بسنے والے مسلمانوں کی مرضی و رضامندی اور کشمیر کے حل کے بغیر انڈین سے دوستی کی پینگیں بڑھانے میں سابقہ حکمرانوں پرویز مشرف ،نواز شریف کے بعد اب موجودہ حکمران بھی آگے بڑھ رہے ہیں لیکن مسئلہ کشمیر کے حل کے بغیر دوستی کا ہاتھ بڑھانے سے کچھ بھی ہاتھ نہیں آئے گا ہندوستان بغل میں چھری منہ میں رام رام لیکر پھرتا ہے واہگہ بارڈر پہلے ہی کھلا ہوا ہے اس سے حالات بدل گئے ہیں جو اس راہداری سے بدلیں گے،ناموس رسالت کے پروانوں کی راہ میں روڑے اٹکانے والے موجودہ حکمران ممتاز قادری کو تختہ دار پر لٹکا کر شہید کرنے والے سابقہ حکمرانوں کے موجودہ انجام کو سامنے رکھیں موجودہ حکمران جن طاقتوں کو خوش کرنے کیلئے عوام پر ظلم وستم کررہے ہیں وہ طاقتیں اللہ کی طاقت سے بڑی نہیں ہیں ہماری لڑائی حق کی ہے جس کے سامنے باطل نے پسپاہونا ہے،آج دنیا میں پونے دو ارب مسلمان موجود ہیں لیکن قیادت مخلص و متقی قیادت نہ ہونے کی وجہ سے کشمیر ،بیت المقدس پر دشمنوں کا قبضہ،چیچنا،روہینگا کے مسلمانوں پر ظلم کے پہاڑ ٹوڑے جا رہے ہیں دخائر سے مالا مال ملک پاکستان کی عوام گندگی کے ڈھیر سے رزق تلاش کررہی ہے یوسف رمزی،ایمل کانسی،عافیہ صدیقی کو امریکہ کے حوالے پاکستانیوں کے قاتل ریمنڈ ڈیوس کو پروٹوکول دیکر رہائی دی گئی،آج مسلمان قوم ابن قاسم ، صلاح الدین ایوبی،غزنوی،ابدالی،ابو اعلیٰ مودودی ،علامہ اقبال،محمد علی جناح جیسے لوگوں کی ضرورت محسوس کررہی ہے ہم بین الاقوامی شیطانی نظام کے شکنجہ میں جکڑے جا رہے ہیں جو ہمیں پولٹری فارم کی مرغی کی طرح بنانا چاہتا ہے کہ تیار دانہ کھاؤ اور ذبح کے وقت آواز بھی نہ نکالو،آئی ایم ایف کا قرضہ ہمارے نظام تعلیم،ہماری اقدار،ہمارے اخراجات کو کنٹرول کرنے کیلئے دیا جاتا ہے ہم ایسی ترقی چاہتے ہیں جس میں ہمارے ججز کے ہاتھ میں اللہ کا قرآن اور نبی محترم ﷺکی شریعت کا نظام ہو جس میں انسان ایک دوسرے کے محتاج نہ ہوں ہم شفاف احتساب چاہتے ہیں پناما لکس لسٹ میں 436افراد کا حساب کتاب ہونا چاہیئے،ملک کی لوٹی گئی دولت کو اس ملک میں واپس آنا چاہیئے،سابق ایم پی اے صوبائی نائب امیر چوہدری اصغر علی گوجر نے استقبالیہ خطاب کرتے ہوئے کہا کہ آج ضلع انتظامیہ نے ہمارے لگائے گئے پوسٹر و بینرز کو اتار کر ہمارے صبر کا امتحان لیا ہے،جماعت اسلامی کے کارکن قیادت کے حکم پر اپنی جان کی بازی بھی لگا دیتے ہیں ضلعی انتظامیہ کے اس ایکٹ پر ہم بہت جلد اپنے لائحہ عمل کا اعلان کریں گے،اس موقع پر امیر جماعت اسلامی سراج الحق کے ساتھ ڈپٹی جنرل سیکرٹری پاکستان اظہر اقبال حسن،سیکرٹری جنرل جنوبی پنجاب راؤ محمد ظفر،مولانہ انعام اللہ،میڈیا کوارڈینیٹر جنوبی پنجاب کنور محمد صدیق ہمراہ تھے Back to Conversion Tool