ڈیرہ غازیخان۔جنرل پوسٹ آفس اور پی ٹی سی ایل دفاتر سمیت 15بلند و بالا عمارتوں کے سربراہان او رمالکان کو نوٹسز جاری

ڈیرہ غازیخان(صبح پا کستان ) ڈیرہ غازیخان میں آتشزدگی سے بچاؤ اور دیگر حفاظتی اقدامات نہ کرنے پر جنرل پوسٹ آفس اور پی ٹی سی ایل دفاتر سمیت 15بلند و بالا عمارتوں کے سربراہان او رمالکان کو نوٹسز جاری کر دیئے گئے ہیں . ضلعی محکمہ سول ڈیفنس کی ٹیم نے اداروں کے سربراہان اور مالکان کو حفاظتی اقدامات مکمل کرنے کیلئے سات روز کی مہلت دی ہے بصورت دیگر چالان مرتب کر کے سپیشل جوڈیشل مجسٹریٹ کی عدالت میں بھجوائے جائیں گے . سول ڈیفنس آفیسر خالد کریم کے مراسلہ کے مطابق ابن سینا سکول بلاک 6، پرائم سکول سسٹم نیو ماڈل ٹاون ، گلوبل لیب بلخ سرور سٹی ، سٹی الٹرا ساونڈ بلخ سرور ، مریم میٹرنٹی ہوم بلخ سرور ، المنصور میڈیکل سنٹر بلخ سرور ، رحمان ہسپتال بلخ سرور ، جنرل پوسٹ آفس ، پاکستان ٹیلی کمیونیکیشن ، گریژن گروپ آف سکولز و کالجز ، عاش فاروق پرنٹنگ پریس ، ایس حبیب پرنٹرز ، حمید صدیقی پرنٹرز ، غازی پرنٹرز ، ادریسیہ پرنٹنگ پریس اور راج فلیکس بلاک 6کو نوٹس جاری کیے گئے .