لیہ (صبح پا کستان )ضلع لیہ کے شہریوں کے لیے مدر اینڈچائلڈ کیئرہسپتال کا قیام طبی سہولیات کی فراہمی کی جانب مثالی پیش رفت ثابت ہوگا۔یہ بات معاون خصوصی وزیر اعلی پنجاب سید رفاقت علی گیلانی نے ہسپتال کی تعمیر کے لیے تجویز کردہ جگہ کے معائنہ کے موقع پر کہی۔ڈپٹی کمشنر بابر بشیر ہمراہ تھے۔اس موقع پر سی ای او صحت ڈاکٹر آغا توحید احمد نے ہسپتال کی تعمیر کے بارے میں بریفنگ دی۔سید رفاقت علی گیلانی نے دو سوکنال پر مشتمل قطعہ اراضی کو انتہائی موذوں قرار دیتے ہوئے ابتدائی طورپر کام کے آغاز کے لیے اقدامات عمل میں لانے کی ضرورت پر زور دیا۔انہوں نے کہا کہ ہسپتال کی جلد تعمیر کے لیے صوبائی حکومت سے فنڈز کی فراہمی کے لیے اقدامات عمل میں لائے جارہے ہیں۔
