لیہ ۔تجاوزات آپریشن کے خلاف کالج لنک روڈ دکانداروں کی مزاحمت , آپریشن جاری رہے گا.سی او سبطین حیدر بخاری

لیہ(صبح پا کستان ) تجاوزات کیخلاف میونسپل کمیٹی کا آپریشن جاری، کالج روڈ سے تجاوزات کا خاتمہ، لنک روڈ دکانداروں کی مزاحمت، تلخ کلامی، دکانداروں کو آج صبح 9 بجے تک کا نوٹس، آپریشن آج بھی جاری رہے گا، تجاوزات کا خاتمہ کر کے دم لینگے: سی او ایم سی تفصیل کے مطابق حکومت پنجاب کی کلین اینڈ گرین پنجاب مہم کے دوران تجاوزات کیخلاف جاری آپریشن میں گزشتہ روز کالج روڈ لیہ سے تجاوزات ہٹانے کیلئے آپریشن کیا گیا جس میں دکانوں کے 10 فٹ سے زائد شیڈز ، بورڈ وغیرہ کو ہٹایا گیا آپریشن ٹیم جب ڈسٹرکٹ ہسپتال گیٹ کے سامنے لنک روڈ پر پہنچی تو لنک روڈ پر چندتجاوزات ہولڈرز نے مزاحمت کی اور چیف آفیسر میونسپل کمیٹی کے ساتھ تلخ جملوں کا تبادلہ بھی گیا گیا، لنک روڈ پر موجود دکانداروں کو آج صبح 9 بجے تک کے وارننگ نوٹس دے دیا گیا ، ٹائم ختم ہونے پر آپریشن دوبارہ شروع کیا جائے گا۔ سی او سبطین حیدر بخاری نے میڈیا سے گفتگو کرتے ہوئے بتایا کہ تجاوزات کیخلاف آپریشن بلا تعطل جاری رہے گا اور شہر کو تجاوزات سے پاک کر کے دم لینگے ۔انہوں نے کہا کہ تجاوزات کے خاتمہ میں کسی قسم کا پریشر قبول نہیں اور نہ ہی کسی دباؤ میں آئینگے۔ انہوں نے واضح کیا کہ تجاوزات کے خاتمہ میں رکاوٹ پیدا کرنے والوں کیخلاف سخت قانونی کارروائی عمل میں لائی جائے گی۔