لیہ ۔ اعلیٰ قیادت سے ٹکٹ کی تقسیم میں غلطیاں ہوئیں،الیکشن جیت کر پاکستان تحریک انصاف کو حلقہ پی پی 284کی سیٹ گفٹ کریں گے .پی ٹی آئی کے امیدوار قومی اسمبلی ملک نیاز جکھڑ اور آزاد امیدوار رفاقت گیلانی کی مشترکہ پریس کا نفرنس

لیہ(صبح پا کستان )امیدوار قومی اسمبلی حلقہ 188 تحریک انصاف ملک نیاز احمد جکھڑ،آزاد امیدوار صوبائی اسمبلی حلقہ 284سید رفاقت گیلانی نے مشترکہ پریس کانفرنس کرتے ہوئے کہا کہ سابق وزیر اعظم میاں نواز شریف ار ان کی بیٹی مریم نواز پاکستان میں آکر ملک میں انتشار پیدا کرنے کے درپئے ہیں،وہ پاکستان کا لوٹا ہوا پیسہ واپس کرنے کی بجائے لوگوں کی ہمدردی حاصل کرنا چاہتے ہیں مگر اس بار ایسا کچھ نہیں ہو گا،میاں نواز شریف ،میاں شہباز شریف پاکستانی قوم کو اکسا رہے ہیں کہ میاں نواز شریف ،مریم نواز کے استقبال کیلئے بچوں سمیت لاہور کی طرف آئیں اور پاکستانی اداروں کے ساتھ لڑائی کریں،میاں نواز شریف پاکستان کی دولت کو لوٹ کرباہر کے ملکوں میں اپنے اور بچوں کے نام پر اثاثہ جات بنائے پاکستان کے اداروں نے اب ان کی چوری کو پکڑ لیا چوری پر سزا ہوگئی میاں نواز شریف اب جیل کی سلاخوں کے پیچھے ہونگے،پاکستانی قوم ان کی اصلیت کو پہچان چکی ہے اب ان دھوکے بازوں کے جھانسے میں نہیں آئے گی ،لوگوں کو ان کے سامنے ان کے چہرے بے نقاب ہو چکے ہیں،ایک سوال کے جواب میں آزاد امیدوار سید رفاقت گیلانی نے کہا کہ پاکستان تحریک انصاف کی اعلیٰ قیادت سے ٹکٹ کی تقسیم میں غلطیاں ہوئیں، کرپٹ اور قبضہ مافیا کو ٹکٹ جاری کیے گیے ،الیکشن جیت کر پاکستان تحریک انصاف کو حلقہ پی پی 284کی سیٹ گفٹ کریں گے ،امیدوار قومی اسمبلی ملک نیاز احمد جکھڑ نے کہا کہ ملک غلام حیدر تھند سے ایک بار پینل بنایا مگر عوام نے اس پینل کو قبول نہیں کیا عوام نے میرے اور چوہدری اصغر علی گجر کے پینل کو قبول کیاتھا عوام جس پینل کو قبول نہیں کرتی ہم کیسے اس پینل کے ساتھ چل سکتے ہیں۔ ہم نے اعلیٰ قیادت کو ملک غلام حیدر تھند کے خلاف تمام ثبوت دیئے مگر پھر بھی اعلیٰ قیادت نے ملک غلام حیدر تھند کو پھر بھی ٹکٹ جاری کردیا، حلقہ میں ہمارے پینل کی جیت یقینی ہے فیصلہ عوام کے ہاتھ میں ہے اگر عوام نے اس پینل کو بھی قبول نہیں کیا تو عوام کا فیصلہ قبول کریں گے۔