لیہ ۔ڈپٹی کمشنر نے مسیحی برادری کے 34مستحقین میں امدادی چیک تقسیم کئے

لیہ (صبح پا کستان )حکومت پنجاب مستحق نادار اور غریب افراد کو مختلف سکیموں کے ذریعے براہ راست مالی امدادفراہم کررہی ہے اور مسیحی برادری کے 34مستحقین میں 1لاکھ 70ہزار روپے مالیت کے امدادی چیکوں کی تقسیم اسی سلسلہ کی عملی کڑی ہے۔یہ بات ڈپٹی کمشنر واجد علی شاہ نے مسیحی برادری کے مستحقین میں مالی امداد کے چیک تقسیم کرنے کے موقع پر کہی۔ڈپٹی کمشنرنے اس موقع پر کہا کہ پنجاب حکومت بلاتفریق مستحقین کی براہ راست مالی امداد کے لیے مختلف سکیموں کے ذریعے عمل پیراہے ۔بعدازاں انہوں نے مسیحی برادری کے 34مستحقین مرد وخواتین میں پانچ ہزار روپے فی کس مالی امداد کے چیک تقسیم کیے۔