لیہ ۔ پنجاب کے ملازمین کو عید بونس نہ دینے کے خلاف ایپکا کی قلم چھوڑ ہرتال

لیہ (صبح پا کستان ) پنجاب حکومت کی ملازمین کے ساتھ روارکھی گئی معاشی ناانصافیوں ،وعدہ خلافیوں اور مرکزی حکومت کی طرح پنجاب کے جملہ ملازمین کو عید بونس نہ دینے کے خلاف آل پاکستان کلرکس ایسوسی ایشن پاکستان کے مرکزی چیرمین محمد اسلم خان ،مرکزی وصوبائی صدر پنجاب صدر حاجی محمد ارشاد چوہدری کی اپیل پرملک بھر کے دیگر اضلاع کی طرح لیہ میں بھی مکمل قلم چھوڑ ہرتال رہی اور دفاتر کو تالے پڑے رہے دور دراز سے آنے والے سائلان کو شدید دشواری کا سامنا رہااس دوران سائلان حکمرانوں کو کوستے رہے اور ملازمین کا مہنگائی کے خلاف احتجاج حق بجانب قرار دیا۔ایکشن کمیٹی ایپکا ضلع لیہ کے ممبران نے ضلعی چیرمین ایکشن کمیٹی ایپکا ضلع لیہ مخدوم فلک شیر قریشی اور وایس چیرمین ایکشن کمیٹی ضلع لیہ مہر محمد شرلف سمرا کی قیادت جملہ دفاتر کا راونڈ لگایا اور ملازمین کی طرف سے مکمل ہڑتال پر اطمنان کا اظہار کیا۔ ۔آل پاکستان کلرکس ایسوسی ایشن ضلع لیہ کے زیر اہتمام احتجاجی کیمپ دفتر ہائی وے کے سبزہ زار میں لگایا گیا جس میں ملازمین گریڈ ایک تا سولہ نے بھرپور شرکت کی ۔ایپکا ضلع لیہ کے احتجاجی کیمپ میں حکومت کے خلاف اور مطالبات کے حق میں نعرے گونجتے رہے۔جس میں مر بھوکے ہائے۔ہائے۔ روٹی مہنگی ۔ہائے ہائے کے نعرے شامل تھے احتجاجی کیمپ سے خطاب کرتے ہوئے صدر ایپکا ضلع لیہ رانا محمد افضل نے کہا کہ ملازمین کے ساتھ مسلسل ناانصافی روا رکھے جانے پراور موجودہ حکومت موجودہ حکمرانوں کی پالیسیوں کے خلاف آل پاکستان کلرکس ایسوسی ایشن کے جان نثاران آل پاکستان کلرکس ایسوسی ایشن کی مرکزی چیرمین محمد اسلم خان ،مرکزی صدرو صوبائی صدر پنجاب صدر حاجی محمد ارشاد چوہدری کی ہدایت اپنے حقوق کے حصول کے لئے کمر بستہ ہیں حکمران جاتے ہوئے بھی پنجاب کے ملازمین کے ساتھ ناروا سلوک قائم رکھے ہوئے ہیں جس کی ہم بھر پور مذمت کرتے ہیں اور حکومت پنجاب کے ذمہ داران سے مطالبہ کرتے ہیں کہ وہ وہ اپنی ملازمین دشمن پالیسی واپس لے کرپنجاب کے ملازمین کے ساتھ معاشی انصاف کرے بصورت دیگر الیکشن میں حکمرانوں کی بھرپور مخالفت کریں گے اور عوام و ملازمین دوست امیدواروں کو ووٹ دلوائیں گے ۔احتجاجی کیمپ سے جنرل سیکرٹری آل پاکستان کلرکس ایسوسی ایشن لیہ محبوب حسین ساجد نے اپنے خطاب میں کہا کہ حکومت آل پاکستان کلرکس ایسوسی ایشن کی قیادت کی طرف سے دیا گیا چارٹر آف ڈیمانڈ فی الفور منظور کر کے مراعات کانو ٹیفیکشن جاری کرے اور پنجاب کے ملازمین کے ساتھ انصاف کرتے ہوئے دیگر صوبوں اور وفاقی ملازمین کے برابرپنجاب کے جملہ ملازمین کے لیے مراعات کا اعلان کیا جائے بصورت دیگریہ احتجاج مسلسل مطالبات کی منظوری تک جاری رہے گا۔اس کے علاوہ ایپکا ضلع لیہ کے احتجاجی کیمپ سے سنیئر نائب صدر سید نادر حسین شاہ، سنیئر نائب صدر د وئم محمد نواز خان، نائب صدر دوئم سید حسنین مقدس رضا، ایڈیشنل جنرل سیکرٹر ی محبوب حسین ثاقب ، ڈپٹی جنرل سیکرٹری ملک شاہ نواز کھر، فنانس سیکرٹری ملک بابر ذیشان ملانہ ، سیکرٹری اطلاعات ملک نصیب الرحمن، آفس سیکرٹری منور خان بغوچی،صدر ایجوکیشن یونٹ لیہ ملک الہی بخش جوتہ جنرل سیکرٹری شیخ محمد صابر مصطفی ، صدر مونسپل کمیٹی لیہ نعیم اللہ خان کھتران ، جنرل سیکرٹری ملک مزمل جونی،صدر ایپکا ضلع کونسل یونٹ لیہ محمد رمضان میرانی ،جنرل سیکرٹری ڈی۔سی آفس یونٹ لیہ حاجی محمد صدیق،صدر انہار یونٹ لیہ ملک محمد اصغر جونی، جنرل سیکرٹری منظور احمد ایم اے، صدر ذراعت یونٹ لیہ قاضی محمدآصف، جنرل سیکرٹری چوہدری زاہد الطاف، صدر ہائی وے یونٹ لیہ مشتاق احمد انصاری، جنرل سیکرٹری ذوالفقار سمرا اور دیگر مقررین نے خطاب کیا۔ایپکا ضلع لیہ کے زیر اہتمام آج احتجاجی کیمپ دفتر تعلیم کے سبزہ زار میں ہوگا۔