ڈیرہ غازی خان (صبح پا کستان ) بستی سکھیرہ آرائیں تھانہ دراہمہ ڈیرہ غازیخان کی حدود میں سنگدل باپ کا اپنی ہی بیٹی کو بالوں سے پکڑ کر گھسیٹنے اور تشدد کرنے پر تھانہ دارائمہ پولیس نے ملزم کو گرفتار کر لیا- واضح رہے کہ متاثرہ طاہرہ بی بی کے مطابق اس کے والد محمد رفیق نے اپنی بہو سے ناجائز تعلقات استوار کر لیے اور اسے طلاق لیکر اپنے ساتھ شادی کے لیے اکساتا تھا- طاہرہ بی بی نے بتایا کہ جب میں نے اپنے والد کو اس حرکت سے منع کیا تو اس نے مجھے اپنے بھائی عبدالمجید کے ساتھ ملکر میرے گھر میں گھس کر تشدد کا نشانہ بنایا اور بالوں سے پکڑ کر گھسیٹتا رہا۔ اس کے خاوند اور سسر نے اسے بچانے کی کوشش کی تو انہوں نے پستول تان کر انہیں جان سے مار دینے کی دھمکی دی۔ واقعہ کی ویڈیو وائرل ہوتے ہی ڈی پی او ڈیرہ غازی خان نے نے فوری طور پر ملزم کی گرفتاری کا حکم دیا جس پر تھانہ دارائمہ نے ملزم کو گرفتار کر کے مقدمہ درج کر لیا ہے-
