ڈیرہ غازی خان ۔ڈویژن کے ہر ضلع سے پاکستان پیپلز پارٹی شہید بھٹوکے امیدوار حصہ لیں گے ۔ ڈویژنل کوآرڈینیٹر لیاقت علی قریشی

ڈیرہ غازی خان ( صبح پا کستان )الیکشن2018میں ملک بھر کی طرح ڈیرہ غازی خان کے ہر ضلع سے پاکستان پیپلز پارٹی شہید بھٹوکا امیدوار حصہ لے گا ، شہید بھٹو خاندان کی عظمت کو سلام پیش کرتا ہوں پارٹی ورکر اور جیالے بھٹو خاندان سے محبت کرنیوالے اپنے اپنے علاقہ سے فوری رکنیت کرائیں اور ٹکٹ کے حصول کے لیے اپنی درخواستیں ڈویژنل ہیڈ کوارٹر بلاک نمبر5قریشی ہاؤس پرانی غلہ منڈی روڈ رابطہ کریں یہ بات ڈویژنل کوآرڈینیٹر لیاقت علی قریشی نے عوامی رابطہ مہم کا آغاز کرتے ہوئے صحافیوں سے گفتگو کرتے ہوئے کہی انہوں نے کہا کہ جو بھی پرانے ورکرز جیالے بھٹو خاندان کے وفا دار ساتھی ہیں وہ فوری رابطہ کرکے الیکشن میں حصہ لیں اور ڈیرہ غازی خان ڈویژن کے چاروں اضلاع میں مسلم لیگ ن کے ساتھ مقابلہ کریں کیونکہ نواز شریف خاندان نے ہمیشہ انا ذاتی مفاد کو مد نظر رکھتے ہوئے وطن عزیز کی جڑیں کھوکھلی کیں بھٹو شہید کے خلاف غلیظ زبان استعمال کرنے والوں کا انجام قریب ہے جس ملک نے میاں برادران کو عزت ، شہرت دی جس کی آڑ میں لوٹ مار کرکے بیرون ملک جائیدادیں خریدیں اور ملک کو قرضوں میں جکڑ کر دشمن قوتوں کے ساتھ مل کر وطن عزیز کے خلاف گھناؤنی سازش کی لوٹ مار کر کے تجوریاں بھر نے والے عوام کو منہ دکھانے کے قابل نہیں رہے ، ساری زندگی عوام کو جھوٹ بول کر دھوکہ دیکر وعدوں پر ٹرخا یا گیا پاکستان پیپلز پارٹی شہید بھٹو محب وطن جماعت ہے عوامی امنگوں کے عین مطابق اپنا کردار ادا کیا جمہوریت کے لیے قربانی دینے والے پرانے کارکن اور ورکر پارٹی کا اثاثہ ہیں جو ریڑھ کی ہڈ کی مانند اور چٹان کی طرح مضبوط ہیں