ملتان .اپرنٹس شپ ٹریننگ سنٹر پر لیبر ڈیپارٹمنٹ کے مبینہ قبضہ کے خلاف طلبہ کا احتجاجی مظاہرہ

ملتان ( صبح پا کستان ) امیر آباد کے علاقہ میں اپرنٹس شپ ٹریننگ سنٹر پر لیبر ڈیپارٹمنٹ کے مبینہ طورپر قبضہ کے خلاف طلبہ نے پریس کلب کے سامنے احتجاجی مظاہرہ کیا اور حکام بالا سے فوری طور پر نوٹس لینے کا مطالبہ کیا احتجاجی مظاہرے کے موقع پر متاثرہ طلبہ نے میڈیا کو بتایا کہ امیر آباد میں اپرنٹس شپ ٹریننگ سنٹر پر ملتان سمیت جنو بی پنجاب کے مختلف اضلاع کے دو ہزار سے زائد طلبہ اپرنٹس شپ کی ٹریننگ لے رہے ہیں لیکن لیبر ویلفیئر ڈیپارٹمنٹ کے ڈائریکٹر امتیاز احمد سیفی نے اس پر 28اپریل 2018سے مبینہ طور پر قبضہ کرلیا ہے جس کی وجہ سے طلبہ اپرنٹس شپ کی ٹریننگ نہ لئے جانے کی وجہ سے شدید پریشانی کا شکار ہیں اور ان کی تعلیم متاثرہو رہی ہے جب اس سلسلے میں لیبر ویلفیئر ڈیپارٹمنٹ کے ڈائریکٹر امتیاز احمد سیفی سے بات کی تو وہ کہتے ہیں کہ انہوں نے سیکریٹری لیبر کی ہدایت پر عملدر آمد کیا ہے متاثرہ طلبہ نے کمشنر، ڈپٹی کمشنر ودیگر حکام بالا سے داد رسی کا مطالبہ کیا ہے