لیہ۔ ٹیچر سرندڑ کرنے کے خلاف پنجاب ٹیچر یونین کا احتجاجی دھرنا ملازمت پر بحال نہ کیاگیا تو بچوں سمیت خود سوزی کرلوں گا ۔ ای ایس ٹی ٹیچر میاں ریاض احمد

لیہ(صبح پا کستان )سینئر ہیڈ ماسٹر گورنمنٹ ایم سی ہائی سکول لیہ کی طرف سے سکول میں تعینات ای ایس ٹی ٹیچر کو سرندڑ کرنے کے خلاف پنجاب ٹیچر یونین کا ڈسٹرکٹ پریس کلب کے باہر احتجاجی دھرنا،سکول کی ٹیچر کی بحالی تک احتجاج جاری رہے گا،اس موقع پر سکول ٹیچر میاں ریاض احمد نے کہا کہ اگردو دن میں مجھے سکول میں دوبارہ بحال نہ کیاگیا تو بچوں سمیت خود سوزی کردوں گا،چیئرمین پنجاب ٹیچر یونین ضلع لیہ عامر خان کلاچی نے اس موقع پر کہا کہ سکول ہیڈ ماسٹر اپنے اختیارات کا ناجائز استعمال کرکے ایک سینئر استاد کو سکول سے سرنڈر کردیا انہوں نے کہا کہ ہیڈ ماسٹر شرافت بسرا کی کرپشن کوعیاں کرنے کی سزا ایک ای ایس ٹی ٹیچر کو تبادلہ یا سرنڈر کی صورت میں دی گئی ہے کرپٹ مافیا جو بھی کرے ہم اپنے کاز سے نہیں ہٹیں گے،جتنے بھی ہمارے گروپ کے اساتذہ کے تبادلے کردیئے جائیں ہمارا مؤقف کل بھی وہی تھا آج بھی وہی ہے،احتجاجی دھرنا میں ڈویژنل صدر فاروق ارائیں ،ضلعی صدر شیخ محمد خالد،ضلعی جنرل سیکرٹری رانا امجد،تحصیل صدر لیہ ہارون خان شہانی،تحصیل صدر کروڑ چوہدری نذیر گجر،تحصیل صدر چوبارہ ریاض کالو،سیئنر نائب صدر سلطان احمد نہرہ ،سید عباس شاہ گیلانی نائب صدرو دیگر نے شرکت کی اور مطالبہ کیا کہ سکول ٹیچر میاں ریاض احمد کو ان کی سیٹ پر فوری بحال کیاجائے۔