کراچی (مانیٹرنگ ڈیسک) چیف جسٹس آف پاکستان نے کہا ہے کہ عدالت کی جانب سے وزیر اعظم شاہد خاقان عباسی کو طلب نہیں کیا گیا۔
چیف جسٹس کی سربراہی میں بینچ نے سپریم کورٹ کراچی رجسٹری میں پی آئی کی نجکاری اور پائلٹس کی جعلی ڈگریوں کے کیس کی سماعت کی ۔ دوران سماعت ایئر بلیو کے ایم ڈی جنید خان عدالت میں پیش ہوئے ۔ چیف جسٹس نے استفسار کیا کہ ایئر بلیو کا سی ای او کون ہے جس پر ایم ڈی جنید خان نے عدالت کو بتایا کہ عدالت نے وزیر اعظم کو طلب کیا تھا، وزیر اعظم کو طلب کرنے سے متعلق بریکنگ نیوز چل رہی تھی۔ چیف جسٹس نے کہا کہ انہوں نے وزیر اعظم شاہد خاقان عباسی کو طلب نہیں کیا، وزیر اعظم سیاسی آدمی ہیں اور سیاسی لوگوں کی بریکنگ چلتی رہتی ہے
