لیہ(صبح پا کستان)زمین کا تنازعہ ڈنڈوں سوٹوں ،کلہاڑی کے وار سے دو افراد زخمی،شدید زخمی نشتر ہسپتال ریفردوسرے کا علاج معالجہ ڈی ایچ کیو ہسپتال میں جاری،تھانہ صدر میں ایف آئی آر درج،درج ایف آئی آر کے دفعات میں کمی بیشی،مدعیوں کا پولیس پر ملزمان کی حمایت کا الزام،گرفتار ملزم کوسیاسی آشیر باد حاصل حوالات میں بند،غیر جانبدار تحقیقات و تفتیش کا مطالبہ تفصیل کے مطابق تین یوم قبل موضع تھند خورد نشیب کے علاقہ بستی سیال میں زمین کے تنازعہ پر محمد بخشعرف لالو،ذوالفقار،غلام غازی،ممد رمضان ،بشیر حسین و دیگر نے ڈنڈوں سوٹوں اور کلہاڑی کے وار کرکے اختر حسین ،ملازم حسین باپ بیٹے کو زخمی کردیا جن کو شدید زخمی حالت میں ریسکیو 1122 و پولیس نے ابتدائی طبی امداد کے بعد ڈسٹرکٹ ہیڈ کوارٹر ہسپتال منتقل کردیا جہا ں پر کلہاڑی کے وار سے شدید مضروب ملازم حسین کو نشتر ہسپتال ریفر کردیا گیا تھانہ صدر پولیس نے زیر دفعہ 337A2,337L2,148/149ت پ کے تحت مقدمہ درج کرکے ملزم بشیر حسین کو گرفتار کرلیا جبکہ دیگر فرار ہونے میں کامیاب ہوگئے ،مدعی مقدمہ نے نمائندہ سے گفتگو کرتے ہوئے کہا کہ پولیس تھانہ صدر نے سیاسی اثر رسوخ کے مالک ملزمان کے ساتھ ملی بھگت کرکے ہماری میڈیکل رپورٹ کے مطابق ایف آئی آر میں دفعات شامل نہیں اور گرفتار ملزم کو تھانہ میں سیاسی اثر رسوخ کی وجہ سے وی آئی پی پروٹوکول دیا جا رہا ہے انہوں نے ڈی پی او لیہ ناصر مختار راجپوت سے مطالبہ کیا ہے کہ ہماری ایف آئی آر میں غیر جانبدار تحقیق وتفتیش کرکے میڈیکل رپورٹ کے مطابق دفعات شامل کی جائیں اور تھانہ صدر میں گرفتار ملزم کو حوالات میں بند کرایا جائے ۔
