لیہ ۔پا کستان پیپلز لیبر بیورو کے زیر اہتمام یوم مئی کے موقع پر مزدور ریلی

لیہ(صبح پا کستان )ضلعی صدر پیپلز لیبر بیورو طاہر خان نے لیبر ڈے ریلی سے خطاب کرتے ہوئے کہا کہ پاکستان پیپلز پارٹی ملک کی واحد سیاسی جماعت ہے جو غریب مزدور کسان ،ہاری کے حقوق کی ترجمانی کرتی ہے ،شہید ذوالفقار علی بھٹو نے مزدور اور ہاری اور چھوٹے کاشتکار کی اجرت طے کی اور ان کو دیگر طبقات کے ساتھ مساویانہ حقوق دیئے ،انہوں نے کہا کہ پاکستان پیپلز پارٹی نے ہمیشہ ملک میں جمہوریت کیلئے قربانیاں دیں ہیں لیکن لوگوں کے حقوق پر سمجھوتہ نہیں کیا انہوں نے کہا کہ شہید بے نظیر بھٹو نے غریب عوام کی بات کرتے ہوئے اپنے جان کا نذرانہ دے دیا لیکن غریب کے حقوق غصب نہیں کرنے دیئے آج بھی پاکستان پیپلز پارٹی چیئرمین بلاول بھٹو زرداری کی قیادت میں غریب مزدور کسان ،ہاری کی گفتگو کررہی ہے اور اس کے حقوق کی بات کررہی ہے پاکستان میں انشاء اللہ پاکستان پیپلز پارٹی کی حکومت بنے گی جو غریب مزدور کسان کی حکومت ہوگی جس میں مزدور کا معاوضہ مہنگائی کے تناسب سے طے کیا جائے گا کسی بھی صنعتکار یا بڑے کاروباری کو غریب کا استحصال نہیں کرنے دیا جائے گا ریلی میں ضلع بھر سے پاکستان پیپلز لیبر بیورو کے کارکنان جن میں فتح پور ،کروڑ،چوک اعظم و دیگر علاقوں سے شرکت کی ریلی سے رفیق خان درانی ،عبدالمجید ہانس ،عبدالغفور سامٹیہ ،آسیہ شاہین ،فوجی محبوب الہی و دیگر نے خطاب کیا ۔