لیہ ۔ سماجی بھلائی کے منصوبوں کی تکمیل ان کی اولین ترجیح رہی ہے ۔ مہر اعجاز احمد اچلانہ

لیہ(صبح پا کستان )صوبائی وزیر اقدامات برائے قدرتی آفات مہر اعجاز احمد اچلانہ نے کہا ہے کہ حلقہ میں تمام شعبہ ہائے زندگی میں تیزی سے ترقی کے لیے کروڑ وں روپے کی لاگت سے سماجی بھلائی کے منصوبوں کی تکمیل ان کی اولین ترجیح رہی ہے اور یہی جذبہ آئندہ کارفرمارکھتے ہوئے عوامی خدمت جاری رہے گی۔اس بات کا عزم انہوں نے چک نمبر 172ٹی ڈی اے میں مختلف ترقیاتی منصوبوں کا معائنہ اور عوامی اجتماع سے خطاب کرتے ہوئے کہی۔اجتماع سے ایم این اے سید ثقلین شاہ بخاری نے بھی خطاب کیا۔اس موقع پر عاشق حسین آرائیں ،محمد اقبال آرائیں ،نیاز کھرانی،فیاض حسین،حاجی رفیق کھرل،غلام محمد لاڑ،غلام حسین ،غلام اکبر،مہر سعید اچلانہ ودیگر موجود تھے۔اس موقع پر شہریوں نے صوبائی وزیر کو مختلف انفرادی و اجتماعی مسائل پر مبنی درخواستیں پیش کیں جن کے حل کے لیے صوبائی وزیر نے یقین دہانی کروائی ۔