جمن شاہ ۔محلہ فضل شہید کے گلی محلوں میں گندے پانی کے باعث سیوریج نظام بند

جمن شاہ (صبح پا کستان ) سیوریج نظام بند محلہ فضل شہید کے گلی محلوں میں گندے پانی کے باعث سڑکیں آمدورفت کے لئے بند ہوگئیں ۔محلہ کے مکینوں کو محلہ کے باہر نکلنے میں شدید دشواری کا سامنا سیوریج کی بندش کے باعث بعض جگہوں پر گندا پانی گھروں میں داخل ہو گیا ۔گندے اور بدبود ار پانی کے باعث مچھروں کی افزائش میں بے تحاشا اضافہ۔تفصیل کے مطابق جمن شاہ کا محلہ فضل شہید یونین کونسل جمن شاہ کے حلقہ میں آتا ہے ۔گنجان ترین محلہ کا سیوریج سسٹم گزشتہ چھ ماہ سے بند پڑا ہوا ہے ۔سیوریج کی بندش کے باعث سیوریج کا گندا پانی گلی محلوں میں آچکا ہے ۔بعض جگہوں پر گندا پانی گھروں میں بھی داخل ہو چکا ہے ۔انجمن تاجران جمن شاہ کے نائب صدر حاجی عاشق حسین کورائی ،مقامی کونسلر ملک محمد اسلم نے یونین کونسل جمن شاہ کے چیئرمین مہراحمد حسن کلاسرہ سے پر زور مطالبہ کیا ہے کہ محلہ فضل شہید کے رہائشیوں کی حالت زار پر ترس کیا جائے اور بند سیوریج کو فوری طور پر ٹھیک کرانے کا بندوبست کیا جائے اپنے بیان میں انھوں نے کہا کہ محلہ فضل شہید کی گلیوں میں کئی کئی فٹ پانی کھڑا ہے ۔جس کی وجہ سے مقامی رہائشی ذہنی مریض بن چکے ہیں لہذا اس محلہ کی بندش سیوریج کو چالو کرانے کا بندوبست کیا جائے ۔