ڈیرہ غازیخان ۔ زیر التواء پنشن ، انضباطی اور انکوائری کیسز نمٹانے کیلئے پراونشل مانیٹرنگ سیل کا دورہ

ڈیرہ غازیخان (صبح پا کستان ).ڈیرہ غازیخان ڈویژن کے زیر التواء پنشن ، انضباطی اور انکوائری کیسز نمٹانے کیلئے پراونشل مانیٹرنگ سیل نے ڈیرہ غا زیخان کا دورہ کیا . سیل کی قیادت ایڈیشنل سیکرٹری اکرام اللہ نیازی کے علاوہ سیکشن آفیسر انکوائریز طاہر محمود اور سیکشن آفیسر فنانس محمد شریف ندیم کر رہے تھے . کمشنر آفس میں ڈویژن بھر کے افسران کے اجلاس سے خطاب کرتے ہوئے اکرام اللہ نیازی نے کہاکہ حکومت پنجاب نے پنشن ، انکوائریز اور دیگر کیسز کیلئے ٹائم لائن دے دی ہے جس پر عملدرآمد کرایا جائے گا. تمام محکمو ں کے سربراہان یکم جولائی 2017سے 31دسمبر 2017تک زیرالتواء کیسز نمٹا کر سر ٹیفکیٹ فراہم کریں . تاخیر برداشت نہیں کی جائے گی. کمیٹی نے ہر محکمے کے کیسز کی سماعت کر کے فیصلے کیے . اس موقع پر ایڈیشنل ڈپٹی کمشنرز غلام یاسین ، شاہد محبوب کے علاوہ ڈاکٹر توصیف طاہر ، ڈاکٹر فرحان گیلانی ، محمد اجمل جمالی ، چودھری فرمائش علی ، ملک خادم حسین ، فوزیہ حنا ، عامر جاوید ، محمد شاہین او ردیگر ا فسران موجود تھے.