لیہ ۔ شہر کے تمام کھلے مین ہولز کے ڈھکن دو دن کے اندر لگادیے جائیں گے ۔ چیئرمین ایم سی حافظ جمیل احمد

لیہ (صبح پا کستان )چیئرمین ایم سی حافظ جمیل احمد نے کہا ہے کہ شہر کے تمام کھلے مین ہولز کے ڈھکن دو دن کے اندر لگادیے جائیں گے۔یہ بات انہوں نے اپنے دفتر میں ایک ملاقات کے دوران بتائی ۔اس موقع پر وائس چیئرمین سعید گلزار حسین شاہ بخاری ،سی او شفیق احمدموجود تھے۔چیئرمین نے بتایا کہ شہر کے مین ہولز کا سروئے مکمل کر لیا گیا ہے اور ایسے مین ہولز جن کے ڈھکن ٹوٹ چکے ہیں یا غائب ہیں ان کے لیے ڈھکن منگوا لیے گئے ہیں ۔انہوں نے کہا کہ متعلقہ افسران و اہلکاروں کو دو دن کے اندرڈھکن لگانے کا ٹاسک دیا گیا ہے۔انہوں نے مزید کہا کہ محدود وسائل کے باوجود شہر کی صفائی ،روشنی اور نکاسی آب کے مسائل کو حل کرنے کے لیے جامع پلان کے تحت کام کیا جارہاہے۔ انہوں نے شہریوں سے اپیل کی کہ وہ کوڑا کرکٹ نالیوں اور سیورلائنوں میں نہ ڈالیں بلکہ مخصوص کوڑا دان میں پھینک دیں۔