لیہ ۔گورنمنٹ پرائمری سکول چک نمبر 106ٹی ڈی اے میں یوم قائد کی تقریب ،بچوں نے مختلف خاکے، ٹیبلوز ، تقاریر ، ملی نغمے پیش کئے

لیہ(صبح پا کستان)گورنمنٹ پرائمری سکول چک نمبر 106ٹی ڈی اے میں یوم قائد کے حوالے سے تقریب کا انعقاد ، بچوں نے خوبصورت ٹیبلوز پیش کئے۔یوم قائد کے حوالے سے منعقدہ تقریب میں سکول طالبعلموں نے مختلف خاکے، ٹیبلوز ، تقاریر ، ملی نغمے پیش کئے،بچوں نے قائد اعظم کے حوالے سے ٹری بنائی تو حاضرین نے خوب داددی۔ تقریب میں سکول ٹیچرز نے برتھ ڈے کیک بھی کاٹا ۔ اساتذہ محمد اسماعیل،وسیم عباس، رانا محمد پرویز، عطا محمد ، عاطف چن ، عصمت اللہ نے گفتگو کر تے ہوئے قائد اعظم کے افکار پر روشنی ڈالتے ہوئے بچوں کو پاکستان کو ترقی یافتہ ملک بنانے کے لئے زیادہ سے زیادہ لگن کے ساتھ تعلیم حاصل کرنے پر زور دیا۔تقریب میں بچوں کے والدین نے بھی شرکت کی۔