مسلم لیگ ن کے 3 ارکان پنجاب اسمبلی نے استعفے صوبائی اسمبلی سیکرٹریٹ کو بھجوادیے

لاہور (مانیٹرنگ ڈیسک) ختم نبوت ﷺ کے معاملے پر پاکستان مسلم لیگ ن سے تعلق رکھنے والے 3 ارکان پنجاب اسمبلی نے اپنے استعفے صوبائی اسمبلی سیکرٹریٹ کو بھجوادیے ہیں۔
پنجاب کے صوبائی اسمبلی سیکرٹریٹ نے تصدیق کی ہے کہ صوبائی و وفاقی حکمران جماعت مسلم لیگ ن کے 3 ارکان اسمبلی کے استعفے موصول ہوچکے ہیں۔ استعفیٰ دینے والوں میں مولانا رحمت اللہ، غلام نظام الدین سیالوی اور محمد خان بلوچ شامل ہیں۔
واضح رہے کہ ان تینوں ایم پی ایز نے خواجہ حمید الدین سیالوی کی زیر صدارت فیصل آباد کے دھوبی گھاٹ میں ہونے والی ختم نبوت ﷺ کانفرنس میں اپنے استعفوں کا اعلان کیا تھا۔ ان تینوں ایم پی ایز کے علاوہ مسلم لیگ ن کے ایم این ایز ڈاکٹر نثار جٹ اور غلام بی بی بھروانہ نے بھی استعفوں کا اعلان کیا تھا۔
source..
http://dailypakistan.com.pk/lahore/12-Dec-2017/694059