چوک اعظم ، بوگس ووٹ ؟ وارڈ نمبر 1 اور وارڈ نمبر 2میں 22 فروری کو دوبارہ گنتی ہو گی ۔ الیکشن ٹر بیونل کا فیصلہ

بوگس ووٹ ؟ وارڈ نمبر 1 اور وارڈ نمبر 2میں 22 فروری کو دوبارہ گنتی ہو گی ۔ الیکشن ٹر بیونل کا فیصلہ
چوک اعظم( صبح پا کستان )میونسپل کمیٹی چوک اعظم کی دو وارڈوں میں الیکشن ٹربیونل کا دوبارہ گنتی کرانے کا حکم ۔22فروری کو دوبارہ گنتی ہوگی ۔تفصیل کے مطابق حالیہ ہونے والے بلدیاتی انتخابات میں واڈ نمبر ایک سے پی ٹی آئی کے نومنتخب میونسپل جنرل کونسلر ساجد خان نیازی اور وارڈ نمبر چار سے پی ٹی آئی کے منتخب میونسپل کونسلر عدنان نذیر علوی کے خلاف ان کے         مدِ مقابل ’’نظریاتی ‘‘ گروپ کے ہارنے والے امیدواران میاں عمران الحق اور حاجی ظفر علوی کی درخواستوں پر الیکشن ٹر بیونل ڈیرہ غازی خان نے سماعت کرتے ہوئے گزشتہ روز 22فروری کو دوبارہ گنتی کا حکم دیا ہے ۔واضح رہے کہ ہارنے والے امیدواران نے درخواست دی تھی کہ گنتی میں بوگس ووٹ شامل کیے گئے ہیں۔22فروری کو ڈیرہ غازی خان میں دوبارہ گنتی کا عمل دوہرایا جائے گا ۔۔۔
رپورٹ ۔ محمد عمر شاکرپریس رپورٹرچوک اعظم