راجن پور( صبح پا کستان )ڈپٹی کمشنر راجن پور اشفا ق احمد چوہدری زہریلی لسی پینے والے متاثرین کے خاندان سے ہمدردی کے لئے ان کے گھر تھانہ کندائی تحصیل علی پور ،بستی لاشاری پہنچے ۔اس موقع پر اسسٹنٹ کمشنر راجن پور شاہد محبوب،سی ای او صحت راجن پور ڈاکٹر صدیق خان ،ڈی ایچ او راجن پور ڈاکٹر غلام مرتضیٰ بھی ان کے ہمراہ تھے۔اسسٹنٹ کمشنر علی پور ،ڈی ایس پی علی پور اور ہیلتھ ٹیم مظفر گڑھ موقع پر بھی موجود تھیں۔ڈپٹی کمشنر راجن پور نے متاثرہ خاندان سے اظہار تعزیت کیا اور متاثرین کے لئے سرکاری سطح پر ممکن مدد کی یقین دیہانی کرائی۔قبل ازیں زہریلی لسی پینے والے متاثرین جب ڈی ایچ کیو پہنچے تو فوری ڈپٹی کمشنر راجن پور عیادت کے لئے گئے اور چیئرمین ضلع کونسل عبدالعزیز خان بھی ان کے ہمراہ تھے۔
