چوک اعظم ۔ فلور ملز ایسوی ایشن کی درخواست پر ایف آئی اے ملتان نے واپڈا آفیسران کے خلاف تحقیقات شروع کر دیں

چوک اعظم (صبح پا کستان)واپڈا آفیسران کے خلاف فلور ملز ایسوی ایشن چوک اعظم کی درخواست پر ایف آئی اے ملتان نے تحقیقات شروع کر دی بااثر واپڈا اہلکاران کو بچانے کے لئے کئی بااثر شخصیات متحرک عوامی سماجی کاروباری حلقوں کا بلا امتیاز کاروائی کا مطالبہ تفصیل کے مطابق چوک اعظم واپڈا سب ڈویزن میں عرصہ دراز سے تعینات ایس ڈی او سلیمان اور لائن سپر یڈنٹ میاں غلام عباس سمیت متعدد واپڈا اہلکاران آفیسران کے خلاف چوک اعظم فلور ملز ایسوی ایشن کی جانب سے مشترکہ درخواست پر ڈائریکٹر ایف آئی اے کے حکم پر انسپکٹر چوہدری اعجاز گجر نے تحقیقات شروع کر دی واضح رہے کہ قبل ازیں ان واپڈا اہلکاران آفیسران کے خلاف کئی دفعہ عوامی احتجاج ہو چکا ہے مگر بااثر واپڈا اہلکاران ہمیشہ اپنا اثرو رسوخ استعمال کر کے بچ جاتے تھے فلور ملز ایسوسی ایشن نے طویل لوڈیشنڈنگ کرپشن سمیت متعدد سنگین الزامات عائد کیے ہیں مگر واپڈا آفیسران کو ماضی کی طرح بچانے کے لئے کئی بااثر شخصیات متحرک ہو چکی ہیں عوامی سماجی کاروباری حلقوں نے ڈی جی ایف آئی اے سمیت آفیسران بالا سے مطالبہ کیا ہے مذکورہ کیس کی بلا امتیاز کاروائی اور کرپٹ آفیسران کا بلا امتیاز احتساب کیا جائے