لیہ ۔ محرم الحرام کے ضابطہ اخلاق پر عملدرآمد کو یقینی بنایا جائے گا ۔ ڈی ایس پی صد ر سرکل ارشاد حسین شاہ

لیہ ( صبح پا کستان )منتظمین مجالس اور جلوس ہائے اپنی ذمہ داریوں سے احسن طریقہ سے عہدہ برآہو کر امن و امان کو قائم رکھنے میں کردار ادا کریں ضلع کے امن کیلئے محرم الحرام کے ضابطہ اخلاق پر عملدرآمد کو یقینی بنایا جائے گا یہ بات ڈی ایس پی صد ر سرکل ارشاد حسین شاہ نے اپنے دفتر میں سرکل صدر کے لائسنس داران ،منتظمین مجالس سے میٹنگ کے دوران کہی انہوں نے کہا کہ قیام امن کیلئے انتظامیہ کے ساتھ تعاون کو یقینی بنایا جائے کوئی بھی شخص بغیر چیکنگ کے یا شناخت کے مجلس ،جلوس میں داخل نہیں ہوگا پارکنگ 200گز دور کی جائے گی عورتوں کی چیکنگ کیلئے لیڈیز پولیس اور انکے ساتھ رضاکا ر خواتین ہوں گی شرکاء میٹنگ نے یقین دہائی کراتے ہوئے کہا کہ طے کردہ معاملات کی پاسداری ،قانون نافذ کرنے والے اداروں کی معاونت اور پولیس ،انتظامیہ کے ساتھ ملکر امن کے قیام کیلئے بھر پور کردار ادا کریں گے