کو ٹلہ حاجی شاہ (صبح پا کستان )یونین کونسل کوکے زیر اہتمام کھیلوں کے مقابلے اختتام پذ یر ہو گئے ، چیئر مین ، وائس چیئر مین نے جیتنے والوں میں انعامات تقسیم کئے۔ جشن آزادی کے حوالے یونین کونسل کوٹلہ حاجی شاہ کے زیراہتمام چھ روزہ کھیلوں کے مقابلے گزشتہ روز اختتام پذیر ہو گئے۔ کھیلوں کے مقابلوں کشتی، کبڈی، روایتی جھومر، کرکٹ، فٹ بال سمیت سکولوں کے طلبا کے درمیان رسہ کشی ، ایتھلکٹس کے مقابلوں کا انعقاد کیا گیا۔ کھیلوں کے آخری روز فائنل میچز کے مہمان خصوصی چیئرمین یونین کونسل کوٹلہ حاجی شاہ ملک نصیر بھٹہ، وائس چیئر مین سردار سبطین خان گشکور ی ، کونسلر ریاض لیڈر اور دیگر نے جیتنے والے کھلاڑیوں میں انعامات تقسیم کئے۔ کھیلوں کے فائنل مقابلوں کے موقع پر منعقدہ تقریب سے خطاب کرتے ہوئے چیئر مین ملک نصیر بھٹہ نے کہا کہ مقامی حکومتیں کھلاڑیوں کی حوصلہ افزائی کے ساتھ ساتھ صحت مند مقابلوں کی سرگرمیاں منعقد کراکے مقابلے کی فضا پیدا کر تی ہیں۔ انہوں نے کہاکہ یونین کونسل کوٹلہ حاجی شاہ کے تمام ممبران نے میلے سمیت جشن آزادی کی بھر پور تقریبات کو منا کر لوگوں کو آزادی تقریبات میں شریک کیا۔ اس موقع پر خطاب کرتے ہوئے وائس چیئر ین سردار سبطین خان گشکوری نے کہاکہ یونین کونسل کی سطح پر مستقبل میں بھی ایسے پروگرام جاری رہیں گے۔ تقریب سے ملک رضا بھٹہ، ریاض لیڈر سمیت دیگر کونسلرز اور مہمانوں نے بھی خطاب کیا۔
