لیہ ۔نواز شریف کی نااہلی پر پی ٹی آئی، انصا ف سٹوڈنٹس فیڈریشن کے کارکنان کا جشن ،مٹھائیاں تقسیم ، ڈھول کی تھاپ پر بھنگڑے

لیہ(صبح پا کستان)نواز شریف کی نااہلی پر پی ٹی آئی، انصا ف سٹوڈنٹس فیڈریشن کے کارکنان نے مٹھائیاں تقسیم کر کی خوشی مناتے ہوئے عمران خان کے حق میں نعر ے لگائے ۔ سپریم کورٹ کے پانامہ فیصلے میں نواز شریف کی نااہلی کے بعد پی ٹی آئی کارکنان نے مٹھائیاں تقسیم کیں اور عمران خان کے حق میں نعرے لگائے۔ لیہ میں ٹکٹ ہولڈر پی ٹی آئی ملک ہاشم حسین سہوکے دفتر میں فیصلے کے بعد مٹھائی تقسیم کی گئی جبکہ انصاف سٹوڈنٹس فیڈریشن کے ضلعی صدر مہر ثناء اللہ واندر اور آئی ایس ایف کے کارکنان نے فیصلے پر خوشی کا اظہار کرتے ہوئے مٹھائیاں تقسیم کیں اور ڈھول کی تھاپ پر بھنگڑے ڈالے۔لدھانہ میں پی ٹی آئی رہنما مہر شاہد اقبال میلوانہ، اللہ نواز کلیہ ، محمد اعظم سوکی کی قیادت میں پارٹی کارکنان نے مٹھائیاں تقسیم کرتے ہوئے نواز شریف اور کرپشن کے خلاف نعرے لگائے۔ کوٹ سلطان میں پی ٹی آئی رہنما مہر اصغر پپو ونجھیرہ، انصا ف یوتھ ونگ کے رہنماؤں ملک ابوذر منجوٹھہ، شانی خان دستی سمیت کارکنا ن کی بڑی تعداد نے پاناما فیصلے کو سراہتے ہوئے ڈھول کی تھاپ پر بھنگڑے ڈالے۔