لیہ ۔جیت کر مسلم لیگ ن میں شمولیت اختیار کی ، قائدین کا بھر پور عتماد حا صل ہے ، مجھے سیاسی بیساکھیوں کی ضرورت نہیں ، عوام بہتر جانتے ہیں کہ ان کا حقیقی نمائندہ کون ہے ۔ ایم پی ا ے چوہدری اشفاق احمد

لیہ(صبح پا کستان)سیاسی بیساکھیوں کی ضرورت نہیں، قائدین تک رسائی ہے، آزاد حیثیت سے جیت کر ن لیگ میں شمولیت کی، چوہدری اشفاق، تفصیل کے مطابق ممبر صوبائی اسمبلی حلقہ پی پی 266 چوہدری اشفاق احمد نے میڈیا نمائندوں سے گفتگو کرتے ہوئے کہا کہ میں نے آزاد حیثیت سے الیکشن میں حصہ لیا تھا اور عوام کے اعتماد اور محبتوں کے نتیجہ میں کامیابی حاصل کی اور جیت کر مسلم لیگ ن میں شمولیت اختیار کی ہے جبکہ قائدین کا بھی مجھ پر برپور اعتماد ہے اور ان تک میں ڈائریکٹ رسائی ہے مجھے سیاسی بیساکھیوں کی ضرورت نہ ہے۔ انہوں نے کہا کہ لیگی قیادت نے اعتماد کرتے ہوئے اربوں روپے کی سکیمیں اور فنڈز جاری کئے جن کے حصول کیلئے کسی سیڑھی کو استعمال نہ کیا گیا ہے۔ انہوں نے کہا کہ حلقہ کی عوام نے مجھ پر جو اعتماد کیا ہے اس کے بدلے میں حلقہ میں میگا پراجیکٹس جاری ہیں۔ عوام کے اعتماد کر ٹھیس نہیں پینچاؤنگا اور کئے گئے تمام وعدوں کو پورا کرونگا۔ انہوں نے کہا کہ جھوٹ اور منافقت کی سیاست کا دور ختم ہو چکا ہے۔ اب عوام باشعور ہیں اور اسے ہی اپنا حقیقی نمائندہ چنیں گی جو عوام کی خدمت کریگا۔ انہوں نے بتایا کہ آئندہ الیکشن کے حوالے سے پارٹی کا ابھی تک کوئی فیصلہ نہ ہوا ہے۔ جھوٹی افواہیں پھیلا کر عوام کو گمراہ کیا جا رہا ہے۔ عوام بہتر جانتے ہیں کہ ان کا حقیقی نمائندہ کون ہے۔