لیہ (صبح پا کستان)ورلڈ پاپولیشن ڈے کے موقع پر سماجی شعور کی بیدار ی کے لیے واک سی ای اوصحت ڈاکٹر امیر عبداللہ سامٹیہ ،ڈسٹرکٹ پاپولیشن ویلفیئر آفیسر محمد رمضان تونسوی،ڈسٹرکٹ انفارمیشن آفیسر نثاراحمد خان کی قیادت میں ڈسٹرکٹ پریس کلب لیہ سے ٹی ڈی اے چوک تک نکالی گئی ۔واک میں زندگی کے مختلف شعبوں سے تعلق رکھنے والے نمائندہ افراد نے کثیر تعداد میں شرکت کی۔شرکاء نے بینرز،پلے کارڈزاُٹھار کھے تھے جن پر بڑھتی ہوئی آباد ی کے ملکی معیشت پر اثرات ،چھوٹے کنبے کی اہمیت اور بہبود آبادی کی سہولیات کے نعرئے درج تھے۔واک کے اختتام پر ٹی ڈی اے چوک میں سی ای اوصحت ڈاکٹر امیر عبداللہ سامٹیہ ،محمد رمضان تونسوی ،ہینڈ ز پاکستان کے چیف ایگزیکٹو ذوالفقار چیمہ،مرید اصغر خان جسکانی ،جاوید اشرف اور نوید ساجد نے ورلڈ پاپولیشن ڈئے کی اہمیت ،غرض و غایت کے بارے میں شرکاء کو آگاہ کیا۔
