لیہ(صبح پا کستان)سی پیک منصوبہ ترقی و خوشحالی کی ضمانت ہے ، سی پیک مخالفین کو ہضم نہیں ہورہاجس پر سازشیں کی جارہی ہیں ان خیالات کا اظہار امیر جمعیت علما اسلام مولانا فضل الرحمن نے صدر ڈسٹرکٹ بار لیہ مہر احمد علی واندر کی قیادت میں لیہ کے وفد سے گفتگو کرتے ہوئے کیا۔ انہوں نے کہاکہ بلاتفریق سب کاا حتساب ہونا چاہیے پسند نا پسند پر احتساب کے حق میں نہیں ہیں ، امیر جمعیت علما اسلام مولانا فضل الرحمن نے کہاکہ جمعیت علما اسلام نے جمہوری نظام کو ہمیشہ بچایا ہے اور ملک میں لادینی قوتوں کا ڈٹ کا مقابلہ کیا ہے جو جاری رہے گا۔ مولانا فضل الرحمن نے کہاکہ آئندہ الیکشن میں ملک بھر سے بھر پور حصہ لیا جائے گا اور لوگوں کو دعوت دی جائے گی کہ وہ حق کی جماعتوں کا ساتھ دیتے ہوئے ملک میں اسلامی فلاحی ریاست کے قیام کے لئے قیادت کا انتخاب کریں۔ لیہ سے ملاقات کے لئے جانے والے وفد میں جودت کامران واندر ایڈووکیٹ، مہر اللہ وسایا، سیف اللہ شاہین اور دیگر جمعیت علما اسلام کے عہدیداران بھی شریک تھے۔
