لیہ ۔ امامیہ سٹوڈنٹس آرگنائزیشن کے زیر اہتمام امریکہ مردہ باد،اسرائیل مردہ باد ریلی ،احتجاجی ریلی میں کارکنان کی امریکہ او ر اسرائیل کے خلاف شدید نعرہ بازی ، امریکہ اور اسرائیل اس دنیا کے سب سے بڑے دہشت گرد ہیں ۔ ڈویژنل جنرل سیکرٹری آئی ایس او طاہر خان،مولانا اکبر ترابی اورعدنان حسین کا خطاب

لیہ(صبح پا کستان)امامیہ سٹوڈنٹس آرگنائزیشن ضلع لیہ کے زیر اہتمام امریکہ مردہ باد،اسرائیل مردہ باد ریلی نکالی گئی احتجاجی ریلی سے ڈویژنل جنرل سیکرٹری آئی ایس او طاہر خان،مولانا اکبر ترابی ،عدنان حسین نے خطاب کرتے ہوئے کہا کہ آج پورے ملک میں آئی ایس او کے زیر اہتمام امریکہ و اسرائیل مردہ باد ریلیاں نکالی جا رہی ہیں یہ عالمی دنیا کو بتانے کیلئے پر امن ریلیاں نکالی جا رہی ہیں کہ امریکہ اور اسرائیل اس دنیا کے سب سے بڑے دہشت گرد ہیں یہ دونوں ممالک جہاں چاہتے ہیں دہشت گردی کسی بھی شکل مین شروع کردیتے ہیں آئی ایس او کے نوجوان یہ بتا دینا چاہتے ہیں کہ ہم ان دہشت گردوں کے سامنے سیسہ پلائی دیوار کی طرح کھڑے ہیں ہم ہر فورم پر ان کا مقابلہ کرنے کیلئے تیار کھڑے ہیں مقررین نے کہا کہ آئی ایس او شہیدوں کی وارث جماعت ہے اپنے اکابرین کے نقش قدم پر چلتے ہوئے کسی بھی قربانی سے دریغ نہیں کریں گے احتجاجی ریلی میں کارکنان نے امریکہ او ر اسرائیل کے خلاف شدید نعرہ بازی کی ۔