لیہ ۔ محکمہ ہائی وے سب ڈویژن چوبارہ سے 75تارکول ڈرم کی چوری , انکوائری مکمل ، تحقیقاتی رپورٹ میں نامزد ملزمان کے خلاف انٹی کرپشن قوانین کے مطابق کاروائی کی جائے ۔ڈپٹی کمشنر سید واجد علی شاہ

لیہ(صبح پا کستان ) محکمہ ہائی وے سب ڈویژن چوبارہ سے 75تارکول ڈرم کی چوری پر بنائی گئی انکوائری کمیٹی کی رپورٹ آنے پر ڈپٹی کمشنر لیہ نے ڈائریکٹر انٹی کرپشن ڈیرہ غازیخان کو ڈیفالٹرز کے خلاف قانون کے مطابق کاروائی کرنے کیلئے لیٹر جاری کر دیا ،ڈپٹی کمشنر سید واجد علی شاہ نے اپنے لیٹر نمبری GB.2017/7431میں لکھا کہ اے سی چوبارہ،ڈی ایس پی چوبارہ اور ایس ڈی او ہائی وے لیہ پر مشتمل تین رکنی کمیٹی ہائی وے سب ڈویژن سے 75تارکول ڈرم چوری ہونے کی تحقیات کیلئے بنائی گئی کمیٹی کی شفارشات مرتب ہونے پر ڈیفالٹر کے خلاف اینٹی کرپشن قوانین کے مطابق کاروائی کی جائے،باوثوق ذرائع کے مطابق محکمہ انٹی کرپشن کا ہائی وے سب ڈویژن چوبارہ کے ملازمین نے اپنے بیانات دیئے ہیں کہ نامعلوم افراد نے چوبارہ سب ڈویژن سے 75تارکول ڈرم چوری کرلئے تھے اب نامعلوم افراد نے چوری شدہ 75تارکول ڈرم واپس رکھ دیئے ہیں ۔