ڈیرہ غازیخان۔محکمہ لا ئیو سٹاک کی اونٹوں کی نشوونما اور بہتر صحت مہم جاری ہے ، مہم میں شریک ملازمین کیلئے اعزازیہ کے بھی احکامات جاری کیے گئے ہیں ۔ ڈاکٹر شمائلہ فردوس اسسٹنٹ ڈیزیز انوسٹی گیشن آفیسر

ڈیرہ غازیخان(صبح پاکستان)اسسٹنٹ ڈیزیز انوسٹی گیشن آفیسر محکمہ لائیو سٹاک ڈیرہ غازیخان ڈاکٹر شمائلہ فردوس نے کہا ہے کہ سیکرٹری لائیو سٹاک ڈاکٹر نسیم صادق کی ہدایت پر ضلع ڈیرہ غازیخان میں اونٹوں کی نشوونما اور بہتر صحت پر توجہ دی جارہی ہے . پراجیکٹ ڈائریکٹر ملک محمد نواز کی زیر نگرانی گھر گھر جا کر مویشیوں کی بہتر نگہداشت کیلئے عملہ کام کرر ہا ہے . انہوں نے کہاکہ مہم میں مصروف ملازمین کیلئے اعزازیہ کے بھی احکامات جاری کیے گئے ہیں جس سے ملازمین میں فرائض کی انجام دہی کیلئے جوش و جذبہ پیدا ہو گا . ڈاکٹر شمائلہ فردوس نے کہاکہ مہم کی کامیابی کیلئے محکمہ لائیو سٹاک لیبارٹری کا عملہ تمام وسائل بروئے کار لارہا ہے .