لیہ ۔ وکلامعاشرے میں انصاف کی جنگ لڑتے ہیں ، حقوق کی جدو جہد ہمار ی رگوں میں شامل ہے ۔ڈسٹرکٹ بار ایسوسی ایشن کی تقریب سے صدر ہائی کورٹ بار شیر زمان قریشی ، جنرل سیکرٹری ندیم فرید ،مہراحمد علی واندر اور جنرل سیکرٹری اشفا ق احمدلنگاہ کا خطاب

لیہ(صبح پا کستان)ڈسٹرکٹ بار ایسوسی ایشن لیہ کے وکلا سے خطاب کرتے ہوئے صدر ہائی کورٹ بار ملتان بنچ شیر زمان قریشی نے کہاکہ وکلامعاشرے میں انصاف کی جنگ لڑتے ہیں جن کے حقوق کے لئے ہر فورم پرہم ساتھ ہیں، انہوں نے کہا کہ جب تک الگ صوبہ کے حصو ل تک ہم نہیں پہنچتے ہائی کورٹ ملتان بنچ کے وکلا اپنی جد و جہد جاری رکھیں گے، شیر زمان قریشی نے کہاکہ ملتان میں ایڈیشنل سیکرٹریز کی تقریری وکلا کی کاوشوں کا نتیجہ ہے۔ تقریب سے خطاب کرتے ہوئے جنرل سیکرٹری ہائی کورٹ بار ملتان بنچ ندیم فریدنے وکلا کی قربانیوں کو زبردست خراج تحسین پیش کرتے ہوئے کہاکہ وکلا کے حقوق کی جدو جہد ہمار ی رگوں میں شامل ہے جس کو جاری رکھا جائے گا۔ تقریب سے صدر ڈسٹرکٹ بار ایسوسی لیہ احمد علی واندنے کہا کہ لیہ کے وکلا ہمیشہ ہر تحریک میں ہر اول دستہ کا کردار ادا کر تے ہیں، جہاں اور جس موقع پر ہائی کورٹ بار ملتان بنچ کو ہماری ضرورت پڑی ہم شانہ بشانہ ہوں گے۔تقریب سے جنرل سیکرٹری اشفا ق احمد نے بھی خطاب کیا۔