لیہ۔ ماڈل پولیس اسٹیشن کی کاروائی ، منشیات سمگل کرنے والوں کے خلاف کریک ڈاؤن ، بھاری مقدار میں منشیات برآمد ، ایک ملزم فرار

لیہ (صبح پا کستان ) ماڈل پولیس اسٹیشن سٹی لیہ نے ماڈل کاروائی کا مظاہرہ کرتے ہوئے منشیات کی لیہ میں سپلائی کوناکام بنا دیاایس ایچ او سٹی انسپکٹر محمد طارق کی سربراہی میں پولیس نے کاروائی کرتے ہوئے چوٹی زیریں ضلع ڈیرہ غازی خان سے تعلق رکھنے والے منشیات فروش ملزمان محمد امجد اور شاہ محمد کو گرفتار کر کے ملزمان کے قبضہ سے 07 کلو 52 گرام چرس برآمد کر لی ایس ایچ او سٹی نے گفتگو کرتے ہوئے بتلایا کہ ملزمان کیری ڈبہ کے ذریعہ لیہ میں منشیات سپلائی کرنا چاہ رہے تھے ملزمان کے زیر استعمال کیری ڈبہ کو بھی قبضہ پولیس میں لے کر ملزمان کے خلاف مقدمہ نمبر 169 9سی CNSA کے تحت درج کر کے ملزمان سے مزید تفتیش کی جا رہی ہے انہوں نے بتلایا کہ پولیس نے ایک اور کاروائی کرتے ہوئے شراب کی 254 کپیاں برآمد کر کے ملزم محمد اسلم کے خلاف مقدمہ نمبر 170 امتناع منشیات ایکٹ کے تحت درج کر لیا جب کہ ملزم موقع سے فرار ہو گیا ایس ایچ او سٹی نے کہا کہ سماج دشمن عناصر کسی رعائت کے مستحق نہیں منشیات معاشرے کے لئے ناسور ہے مکروہ دھندہ کی روک تھام میں عوام بھی پولیس کا ساتھ دے۔