ڈیرہ غازیخان(صبح پا کستان)کمشنر ڈیرہ غازیخان ڈویژن اللہ رکھا انجم نے لیہ کے مختلف مراکز صحت کا گزشتہ روز اچانک معائنہ کیا. سہولیات کی فراہمی اور تعمیراتی کام کا جائزہ لیا. اس موقع پر ڈپٹی کمشنر لیہ سید واجد علی شاہ سمیت دیگر متعلقہ افسران موجود تھے . کمشنر اللہ رکھا انجم نے نو تعمیر شدہ چلڈرن بلاک ، نواز شریف ہسپتال ، ضلعی صدر ہسپتال سمیت مختلف مراکز صحت کا اچانک معائنہ کیا. ادویات کے ریکارڈ ، میڈیکل سٹو ر، فارمیسی اور ہسپتال کی حدود میں قائم کنٹین کی صفائی سمیت دیگر معاملات کا جائزہ لیا اور ضروری احکامات جاری کیے .
