ڈیرہ غازیخان(صبح پا کستان) چیئرمین قائمہ کمیٹی برائے خارجہ امور و فورٹ منرو ڈویلپمنٹ اتھارٹی؍ ایم این اے سردار اویس احمد خان لغاری نے کہاہے کہ جنوبی پنجاب کے واحد صحت افزا مقام فورٹ منرو کو مری کی طرز پر ہلز سٹیشن بنایاجائے گا جس پر ساڑھے چار ارب روپے خرچ کیے جائیں گے . ڈیرہ غازیخان تا مظفرگڑھ دو رویہ سڑک کی تعمیر 2018کے الیکشن سے قبل مکمل کر لی جائے گی. مسلم لیگ ن 2018کا الیکشن ترقی کے سلوگن پر لڑے گی . انہوں نے یہ بات گورنمنٹ بوائز ڈگری کالج بلاک 17ڈیرہ غازیخان میں تقریب تقسیم انعامات سے بحیثیت مہمان خصوصی او رمیڈیا سے بات چیت کرتے ہوئے کہی . انہوں نے کہاکہ پاک چین اقتصادی راہداری میں ایران اور سنٹرلی ایشئن ممالک نے دلچسپی ظاہر کی ہے . تجارت کی رسائی پاکستان کی سرزمین سے ہو گی جس سے علاقہ میں ترقی کی نئی راہیں کھلیں گی .سی پیک آئندہ خارجہ پالیسی میں اہم کردارادا کرے گی. سردار اویس احمد خان لغاری نے کہاکہ ایران کے سا تھ تعلقات میں بہتری آ رہی ہے. 23مارچ کی مرکزی تقریب میں چین ، سعودی عرب اور ترکی کے دستوں کی شرکت نے پاکستان کو دنیا میں تنہا کرنے کی سازش ناکام بنا دی. سردار اویس احمد خان لغاری نے ایک سوال کے جواب میں کہا کہ وہ پنجاب جیتنے کے آصف زرداری کے بیان کو سنجیدگی سے نہیں لیتے . مسلم لیگ ن کی حکومت آئندہ پانچ سال کے دوران تعلیم اور ترقیاتی پراجیکٹس پر فوکس کرے گی. تقریب سے خطاب کرتے ہوئے انہوں نے کہا کہ ان کی کوشش ہو گی کہ 36000آبادی پر ایک ڈگری کالج قائم ہو. وہ آج سے ہی تعلیم پر جہاد کا آغاز کر رہے ہیں انہوں نے کہاکہ نوجوان انٹر نیٹ کا مثبت استعمال کریں . تقریب سے ڈائریکٹر کالجز پروفیسر ڈاکٹر الطاف حسین نے خطاب کرتے ہوئے کہا کہ حکومت پنجاب کی ہدایت پر ڈیرہ غازیخان ڈویژن کے پانچ ہزار سے زائد طلباؤطالبات میں لیپ ٹاپ کمپیوٹرز کی تقسیم جلد ہو گی. چیف منسٹر سمیت دیگر مقابلوں میں نمایاں پوزیشن حاصل کرنے والوں میں بھی انعامات تقسیم کیے جائیں گے .اس موقع پر پرنسپل ادارہ پروفیسر کلیم اللہ لغاری ، عابد لند اوردیگر نے بھی خطاب کیا. اس موقع پر چیئرمین ضلعی زکواۃ کمیٹی محمد شفیع خان گجانی ،رانا محمد اکرم ، پروفیسر ممتاز حسین سمیت دیگر اساتذہ او رطلبہ موجود تھے. تلاوت کلام پاک اور نعت رسول مقبول کی سعادت بالترتیب حافظ محمد اسماعیل اور اسامہ سہیل نے حاصل کی . مجاہد عباس نے ملی نغمہ پیش کیا. رکن قومی اسمبلی سردار اویس احمد خان لغاری ، ڈائریکٹر کالجز پروفیسر ڈاکٹر الطاف حسین ، رئیس ادارہ پروفیسر کلیم اللہ لغاری اور چیئرمین ضلعی زکواۃ کمیٹی محمد شفیع خان گجانی ودیگر نے نمایاں پوزیشن حاصل کرنے والے اساتذہ او رطلباء پروفیسر ملک فیاض حسین ، حسن جلیل ، ناصر عباس ، فہد لطیف ، سلیم عباس ، محمد کامران ، صالح رشید ، نعیم عباس ، محمد عمران ، محمد عرفان ، محمد نوید ، خضر عباس ، حافظ محمد اویس ، جمیل احمد ، سلیم عباس ، مزمل حسین ، محمد کامران ، نعیم عباس و دیگر میں میڈلز ، ٹرافیاں اور وظائف کے چیک تقسیم کیے .