لیہ( صبح پا کستان )ڈی سی او لیہ سید واجد علی شاہ نے کہا ہے کہ پنجاب حکومت کے چار سو ملین روپے کی لاگت سے ٹائلٹس بلاکس کی فراہمی کے پرا جیکٹس کے تحت ضلع لیہ کے 726گاوں کے 186825گھروں میں ٹائلٹس کی سہولیات کی فراہمی کے لیے کام کیا جارہا ہے جس کے حصول کے لیے تمام سٹیک ہولڈرزاپنی خدمات قومی جذبہ سے سرشار ہو کر انجام دیں تاکہ صاف ستھرئے ماحول کی فراہمی کو یقینی بنایا جاسکے یہ بات انہوں نے ڈسٹرکٹ واش کوارڈینیشن کیمٹی کے دوروزہ ٹریننگ سیشن کے افتتاح کے موقع پر خطاب کرتے ہوئے کہی۔ٹریننگ سیشن میں سیکرٹری کمیٹی ،ایکسین پبلک ہیلتھ انجیرنگ ملک محمد سلیم ،ای ڈی او تعلیم محمد منشا میو،ائے ڈی ایل جی محمد یوسف کلیم ،ڈی او سوشل ویلفیرغلام مصطفی ،سی ڈی سی آفیسر غلام شبیر،ایس ڈی او جواد کلیم ،محمد رضا خان ،ماہ حسنین شہزاد ،محمد عمران ذکی،سیف اللہ ،مائرہ خورشید،سمیرا احمد،ڈاکٹر فاروق و دیگر نے شرکت کی۔ٹریننگ سیشن میں ماسڑ ٹرینرسید فرخ رضاو سیف الرحمان نے ملٹی میڈیا کے زریعے شرکاء کو واش کمیٹی کی اہمیت و افادیت کارکردگی ،دائرہ اختیار، صحت و صفائی کے لیے آگاہی،ایم ڈی جی ٹارگٹ و اچیومنٹ ،او ڈی سٹیٹس برائے ویلجز ،اُٹھائے گئے اقدامات ،ایکشن پلان،پلاننگ اینڈمینجنٹ،سٹیک ہولڈر کی ذمہ داریاں،ضلع و صوبائی کمیٹیوں کی تشکیل،اور 2020تک صوبہ بھر کے تمام 25914گاوں میں ٹائلٹ بلاک کے منصوبے کی تکمیل اور پنجاب پھر میں او ڈی سٹیٹس کے سترہ فی صد کو 2020تک صفر فی صد تک لانے ایسے امور کے بارے میں تفصیلی طور پر بریفینگ دی۔ڈی سی او لیہ سید واجد علی شاہ نے واش کمیٹی ٹریننگ سیشن کے شرکاء سے خطاب کرتے ہوئے کہا کہ ضلع لیہ تمام گاوں میں پینے کے صاف پانی کی فراہمی ،ہیلتھ ایجوکیشن کے ذریعے بیماریوں سے محفوظ رکھنے کی احتیاطی تدابیر سے آگاہی کے لیے متعلقہ محکمے سرگرم عمل ہیں اور ضلع بھرکے ویلجز میں ٹائلٹ بلاک کی فراہمی کے لیے غیر سرکاری تنظیموں ،پبلک ہیلتھ انجیرنگ ،لوکل گورنمنٹ اقدامات عمل میں لارہی ہے اور مرحلہ وار ضلع بھر کے تمام ویلجز میں ٹائلٹ بلاکس کی فراہمی کو یقینی بنایا جائے گا انہوں نے اس سلسلہ میں پلان پاکستان کی آگاہی مہم کو صاف ستھرئے و بیماریوں سے پاک ماحول کی فراہمی کے لیے اہم پیش رفت قرار دیا ۔