راجن پور( صبح پا کستان )ضلع کونسل راجن پور کا اجلاس وائس چیئرمین مرزا شہزاد ہمایوں کی زیر صدارت منعقد ہوا اجلاس میں میں یونین کونسلز کے چیئرمینوں نے شرکت کی ۔اجلاس سے خطاب کرتے ہوئے وائس چیئرمین مرزا شہزاد ہمایوں نے کہا ہے کہ ضلع راجن پور کی ترقی اور خوشحالی عوامی نمائندوں کے زریعے ہو گی۔انہوں نے کہا کہ ہمارا مقصد ضلع کی ترقی ہے آپ لوگوں کی مشاورت سے ضلع کو ایک مثالی ضلع بنائیں گے۔اس موقع پر یو سیز کے چیئرمینوں نے اپنے اپنے علاقوں کے مسائل پیش کئے ۔جس کے حل کے لئے یقین دہانی کرائی گئی۔انہوں نے کہا کہ وزیر اعلیٰ پنجاب محمد شہباز شریف نے جو اختیارات بلدیاتی اداروں کو دیئے ہیں اس سے عوامی مسائل ان کی دہلیز پر حل ہوں گے۔اور انشاء اللہ ضلع راجن پور کا بجٹ پوری ایمان داری اور دیانت داری کے ساتھ ضلع کی ترقی پہ خرچ کیا جائے گا۔لیکن ابھی کچھ وسائل کی کمی کے باوجود بھی ہم اپنے ضلع کی ترقی میں کردار ادا کریں گے۔
